Ég hætti sem Markaðsstjóri Sirkus í byrjun September '06

...it all went down hill eftir það! :-)

Leiðinlegt hvað skemmtilegt concept var drepið, drepið í raun um leið og það fór að kicka inn.

Nokkur lög sem ég fíla...

Götulífið...

Ég gleymdi demantinum sem ég uppgötvaði á föst!

Gaucho, argentínskur steikarstaður...og ég ég bragðaði besta nauta-fillet sem ég hef smakkað á ævinni!

Það verða allir að prófa þennan á flakki til London!

The Cuckoo club er við hliðiná honum ef maður vill fara í drykk á eftir.  Mjög svalur klúbbur

 

Góðir tónleikar í gær

 

Damien Rice var djöfulli góður á Wembley í gær.

 

Dimitri from Paris var rosalegur á Turnmills í gærnótt

 

...Ísland annaðkvöld.

 

Drep fyndið!

Skemmtilegir tímar framundan...

Ótrúlega fyndnir svona dagar eins og í dag.  Vaknaði svona hálf þungur...en svo klukkan sex þegar ég var að fara heim...

...var ég kominn með tvo miða fyrir mig og Ásgeir vin minn sem kemur um helgina á Damien Rice tónleika í London næsta laugardag.

...kominn með farseðla fyrir mig og Viðar til Tokyo/Japans í 9 daga um miðjan Nóvember

...kominn með farseðla til Congo fyrir mig og Viðar um miðjan janúar.

...og svo er Donnan mín að koma í heimsókn í Okt...en það er verið að teikna upp sveita-Englands helgi sem verður bara gaman!

 Það er bara stundum svo gaman að vera til! :-)

 

London á sunnudegi

Magnað að búa í London og vera svo alltaf umkringdur einhverju “íslensku”.  Vinir mínir hér eru allir íslenskir.  Mjög margir af þeim sem ég vinn með eru íslendingar...og svo er maður alltaf á einhverjum íslenskum eventum.

Fór á Garðar Cortes tónleika í Barbican í London á miðvikudaginn sem var alveg brilljant.  Diddú söng með honum en ég er nú svolítið á því að hún hafi skotið honum ref fyrir rass.  En bæði voru þrusu góð.

Mamma og pabbi fóru svo í gær, en þegar þau fóru lauk í raun Operation koma sér fyrir í nýju íbúðinni....en dagurinn í dag fer í að flytja draslið hans Viðars yfir sem er nú þegar byrjað.

Man einhver eftir Ross í Friends þegar hann var að flytja???  “TIP-IT, TIP-IT , TIIIIPPPPP-IT !!!” .... það er minn veruleiki í dag!!!! Stigagangarnir hérna eru ALLTOF þröngir!

Hvað lífið getur stundum verið flókið

Fyrir mánuði keypti ég sokka sem voru merktir hverjum degi. Það er að segja 7 pör í settinu, eitt par fyrir hvern dag til að binda enda á þetta endalausa sokkaþunglyndi þar sem maður finnur ekkert hver á að vera með hverjum.   (það versta sem hægt er að lenda í á morgnanna!)

Nú var að ljúka risaþvottasessioni eftir flutninga en ég á núna heila viku af sokkum sem eru stakir!!!  Ég á bara einn sokk fyrir alla daga vikunnar, en ekki sokkinn á móti!
Það er því ljóst að þvottavélin er að éta sokkana mína en svo virðist sem einhver hægri-sokka-fetishmi sé í gangi!
- - -

Annars voru mamma og pabbi voru að lenda á Heathrow og verða hjá mér fram að helgi.  Ég nota alltaf sömu leigubílastöð þegar ég ferðast sjálfur og þegar það koma gestir.  Þeim tekst alltaf að koma mér á óvart með að klúðra einhverju sem er farið að vera mjög gaman reyndar. 

Núna gleymdu þeir sér og hringdu í mig í panic-i rétt í þessu.  Þeir sögðust vera í miklum vandræðum með vin minn sem þeir væru að sækja því hann skildi greinilega ekkert í ensku og grátbað mig að hringja í hann og hjálpa sér.  Þetta fannst mér furðulegt þar sem pabbi keyrir leigubíl og er oft guide fyrir útlendinga heima og ég hringi því í hann.

Talhólfið svaraði því vélin var ekki lent! Leigubílstjórinn var sem sagt að reyna tala við talhólfið frá Símanum, konuna sem segir “Í augnablikinu getur verið slökkt á far....”.  Er hægt að vera þéttari?

Mr. Egg að slá í gegn með Icelandair

http://www.dailymail.co.uk/pages/live/articles/sport/football.html?in_article_id=482862&in_page_id=1779#StartComments

London - bloggari, 5 ár

Ég bloggaði meðan ég var að læra í Kanada og svo eitthvað áfram þegar ég kom heim

Ekkert smá magnað að lesa svona aftur og sjá hvernig lífið breytist og hvað hugurinn fer í margar áttir.  Misjafnir hlutir eiga hug manns allan á misjöfnum tímum.

http://gummiarnar.blogspot.com/

London

Eftir vikur vist á Íslandi með allt mitt hafurtask í ferðatösku er ég kominn til London aftur.

Ferðataskan var hins vegar opnuð á nýjum stað þegar ég kom heim áðan.  Hún var opnuð í nýju íbúðinni minni í Wandsworth...sem sagt flutti inn í dag.  Búið að ferja einn hlut á milli...og hver ætli fyrsti hluturinn hafi verið...auðvitað sjónvarpið! :)

Góður dagur :)

Icelandair - marketing í UK

Markaðsaðgerðirnar sem ég er búinn að ýta af stað í UK fyrir Icelandair eru ekki bara að vekja athygli í Bretland.

http://vefmidlar.visir.is/?channelID=&programID=1b1bb328-a7cb-40a4-8e84-426fa771a3f9&mediaSourceID=9110ad76-5fb2-4212-b393-a72ffe74d6e3&mediaClipID=0512f8b9-6578-4ec9-9a2b-b601ec18710d

Málsnilld

 "The difference between fiction and reality? Fiction has to make sense."

- - Tom Clancy (1947-), paraphrasing Mark Twain

 

Golf, matur, Ísland framundan og slatti af tónleikum

Þetta er nú búin að vera meiri vikan.  Ég fór til North Lincolnshire (norður E) á mánudagskvöldið og var fram á miðvikudagsmorgun til að taka þátt í Golfmóti sem Icelandair sponsaði þar á þriðjudaginn.  Það voru teknar 18 holur í brilljant veðri, 25 stiga hita, heiður himinn og sólinn skartaði sínu fegursta. Kvöldið endað á stórri kvöldmáltíð með Stebba og Eyva að spila. Brilljant dagur alveg og ferð. 

 

Í gærkvöldi var mér svo boðið út að borða á nýjum “íslenskum” stað í London sem heitir Texture. Óskar, sem kenndur er við Argentínu, fer fyrir honum og Agnar er það yfirkokkur.  Staðurinn er vægast sagt vel lukkaður, töff að innan og maturinn frábær.  Fórum í svona óhefðbundinn taste-menu þar sem kokkurinn mallaði sample af hinu og þessu fyrir okkur og var setið við til að verða miðnættis.  Staðurinn fær mín bestu meðmæli og hvet ég alla sem eiga leið til London og vilja sækja high class veitingastað með öðruvísi matargerð...mikið af fiski....að kíkja á hann.

 

Ég man sjaldan eftir því að hafa verið jafn uppgefinn eftir vinnuviku.  Thank god its Friday! 

 

Annars er gleði framundan.  Fer til Íslands á námskeið á þriðjudagskvöldið í 2 nætur.  Kem svo aftur til Íslands á föstudagskvöldið og verð sennilega fram á föstudaginn þar á eftir.  Vinnan er að draga mig heim í þetta skiptið sem er hálf súrt þar sem ég fæ íbúðina mína þarna á mánudeginum en það er nú smá tilhlökkun að flytja inn og koma sér fyrir.

 

Svo er Garðar Cortes með tónleika í London 26. sept, Mamma og pabbi að koma þá og verða hjá mér í nokkra daga.  Jói Jó og Unnur að koma fimmtudaginn þar á undan svo það er nóg að gerast.

Fullt af tónlist í Oktober...A.Bocelli og Airwaves en ég ætla fara í fyrsta skiptið á Airwaves og hlakka mikið til.

 

Viðar og ég erum svo búnir að plana Tokyo í 5 daga í byrjun Nóvember....og vonandi Afríku fljótlega á nýju ári...eða í desember.  Það breytist nú hratt (á opna miða) en við erum svona heitastir fyrir Congo eins og staðan er í dag.  Það finnst mér gríðarlega áhugavert land, stríðshrjáð, fátækt mikil og framandi menning.  Japan er svo sennilega framúrstefnulegasta land í heimi og Tokyo toppurinn.  Klósettin tala við þig, hurðir á leigubílum opnast sjálfkrafa...og ég gæti lengi haldið áfram...maður bara verður :)

 

Nenni ekki meir í bili enda dauð þreyttur!

Sumu gleymir maður bara aldrei...

Heitur pottur við hliðiná rúminu og ekki hurð á klósettinu

...horft um öxl.

Árið 2003 var ég í námi í Kanada með fyrrverandi unnustu minni, Kollu.  Við skelltum okkur oft í ferðalög og keyrðum til US eða eitthvað innan Kanada.  Fórum einu sinni til Quebec og gistum á þvílíkt posh hóteli.  Heitur pottur í herberginu og ég veit ekki hvað og hvað.

Þegar við komum þangað hins vegar var hitti potturinn við hliðina á rúminu, sem þýddi að það var ALLT í móðu, rúmið hálf blautt o.s.frv. þegar við fórum í pottinn.

Klósettið var svo beint á móti rúminu en bara gegnsæ garndýna í staðinn fyrir hurð!  Súrrealískasta hótelherbergi sem ég hef gist á! 

 

"Hryðjuverk ekki mesta ógnin lengur heldur efnalítið fólk"

Frá VISIR.IS :

Hryðjuverk eru ekki lengur það sem bandaríski hagfræðingar óttast mest í augnablikinu. Þeir telja efnalitla einstaklinga með litla greiðslugetu sem lenda í vanskilum með afborganir af lánum sínum geta skaðað efnahagslífið meira.

Efnalítið fólk er oft rót hryðjuverka

De Soto, hagfræðingur, segir: “Oliver Twist comes to town; he is poor, has a TV set and he is able to sees how you live. As compared to how he lives he is going to be very angry so either you show him a capitalist route to do it and integrate him or he is going to find another ideology. The fact that today there is no more Kremlin, which is organizing a revolt, doesn’t mean he is not going to find another capital. When these things happen, people are unhappy and rebel against the system, they will find another locus of power very very quickly.”

Datt þér líka í hug Al-Qaeda?

Ný íbúð í London og lífið gott!

Stundum virðist eins og allt gangi upp hjá manni.  Síðasta vika var nákvæmlega þannig vika. 

Ég er búinn að finna íbúð fyrir mig að leigja sem ég er búinn að negla og fæ afhenta um miðjan Sept.  Hún er í sama húsi og ég bý í, tveggja herbergja og mjög flott.   Þessi leiga í London er samt algjört madness.  200þ á mánuði fyrir alls ekki svo stóra íbúð þó aðstaðan sé rosalega góð.  Hellingur af börum og veitingastöðum í kring, matvöruverslun og vínbúð á fystu hæð, móttaka á fystu hæð sem er opin allan sólahringin(með fatahreinsun ofl), mjög flott gym í sama húsi (innangengt frá íbúðinni) með sundlaug, nuddstofu, sólbaðsstofu, klippistofu ofl.  Blokkin er ný,  hverfið sömuleiðis en annar endin á húsinu er alveg við Thames.  Í raun fullkominn staður til að búa  á að mínu viti svo ég er mjög ánægður.

Er annars á Íslandi.  Kom á miðvikudagskvöldið og fer á mánudaginn aftur.  Það er bank holiday í UK á mánudag og því ekki vinna fyrr en á þriðjudag.  Mánudagurinn verður samt ekki mikill frídagur þar sem dagurinn er undirlagður fundum þar til ég fer í flug.  Gæti reyndar verið að ég myndi fljúga á þriðjudagsmorgun til að geta hitt alla sem ég vil, en maður sér til.

Fór út að borða með góðum vinum á Sjávarkjallarann á föstudagskvöld og svo á B5, alveg brilljant kvöld.  Í gær var það grillveisla með fjölskyldunni.  Frábær helgi!

 

Hugleiðingar um krónuna

Íslendingar finna blessuðu krónunni allt til foráttu sem eðlilegt er á tímum eins og nú.  En á sama tíma gleyma þeir kostum hennar.  Ég ætla ekki að tíunda gallana heldur að minnast á eitt sem gleymist og aðra vangaveltu.

 

1. Að vera með krónu, ekki Evru, gerir okkur kleift að stjórna eigin vöxtum og gjaldmiðillinn sveiflast í takt við markaðsaðstæður á Íslandi. Sögulegt dæmi: Nýfundnaland er hluti af Kanada og notar sama gjaldmiðil og vaxtastefnu.  Fiskimiðin hrynja á Nýfundnalandi en á meðan finnst olía í Alberta í Kanada og önnur svæði eru í uppsveiflu.  Vaxta stefna kanadíska seðlabankans eru háir vextir til að koma í veg fyrir þenslu og gjaldmiðillinn helst sterkur.  Nýfundnaland þarf lága vexti og veikan gjaldmiðil til að örva hagkerfið þar.  Þar sem peningamálastefna Kanada er þvert á þarfir Nýfundnalands eykst atvinnuleysi á Nýfundnalandi og helst hátt, hagkerfið spíralar niður og festist í mjög sæmri stöðu.  Eitthvað sem hefði eflaust ekki gerst, amk ekki eins stórkostlega og raun bar vitni hefðu þeir haft eigin stjórn á peningamálum.  Þetta getur gerst fyrir Ísland innan ESB sem Evruland.  Við erum mun fljótari að aðlagast upp og niðursveiflum sem er öllum til góða.  Uppsveifla er jákvæð, þá eiga allir nægan pening en fyrirtækin kvarta yfir starfsfólkinu sem við eigum ekki að hafa áhyggjur af. Niðursveifla er hins vegar alltaf neikvæð, þá er fólkið atvinnulaust, engin á pening og öllum líður illa.  Niðursveiflurnar verða vægari með krónu því án krónu vill ESB að atvinnuleysi á Íslandi sé leyst með að við flytjum til annarra Evrópulandi og sækjum störfin þar sem þau eru.  Hver vill það?

 

1. Vangaveltan gengur út á það að fyrirtæki í UK búa við mjög stöðugt peningamálaumhverfi ef svo má segja.  Verðbólga sveiflast ekki mikið,  og ekki sveiflast gjaldmiðillinn mjög við stærstu viðskiptaþjóðir þess. Það sama er ekki hægt að segja um íslensk fyrirtæki sem þurfa sífellt að vera á tánum, sífellt að vera straumlínulaga reksturinn og vera búin miklum sveiflum í ytra umhverfinu sem hefur bein áhrif á reksturinn.  Ég myndi færa rök fyrir því að fyrirtæki sem starfa við slíkar aðstæður verði miklu dýnamískari og eigi miklu auðveldara með að umbylta sér vegna breytinga á mjög skömmum tíma en bresku fyrirtækin.  Þetta styrkir fyrirtæki.  Þeir sem vinna við svona aðstæður hljóta að verða miklu betri stjórnendur og fyrirtækin hæfari til að takast á við breytingar.

 

Við vitum líka öll að það eina sem fyrirtæki allsstaðar geta tekið fyrir víst er að þau eiga eftir að breytast gríðarlega næstu árin.  Ný tækni, aukin samkeppni og alþjóðavæðing hafa ásamt fleiru áhrif þar á.  Það er því margt sem þetta mikla jó-jó hagkerfi á Íslandi kennir okkur sem aðrir læra kannski ekki eins auðveldlega.  Þessa þekkingu getum við Íslendingar svo notað til að ráðast inná stabíla erlenda markaði og umbylt fyrirtækjum og snúið við á örskömmum tíma.

- - -

 

Annars er gott veður í London og lífið gott.  Er að fá góða gesti í heimsókn annaðkvöld sem verða þar til á Sunnudaginn en það er búið að plana skemmtilega helgi í kringum það sem verður gaman.