Hvað lífið getur stundum verið flókið

Fyrir mánuði keypti ég sokka sem voru merktir hverjum degi. Það er að segja 7 pör í settinu, eitt par fyrir hvern dag til að binda enda á þetta endalausa sokkaþunglyndi þar sem maður finnur ekkert hver á að vera með hverjum.   (það versta sem hægt er að lenda í á morgnanna!)

Nú var að ljúka risaþvottasessioni eftir flutninga en ég á núna heila viku af sokkum sem eru stakir!!!  Ég á bara einn sokk fyrir alla daga vikunnar, en ekki sokkinn á móti!
Það er því ljóst að þvottavélin er að éta sokkana mína en svo virðist sem einhver hægri-sokka-fetishmi sé í gangi!
- - -

Annars voru mamma og pabbi voru að lenda á Heathrow og verða hjá mér fram að helgi.  Ég nota alltaf sömu leigubílastöð þegar ég ferðast sjálfur og þegar það koma gestir.  Þeim tekst alltaf að koma mér á óvart með að klúðra einhverju sem er farið að vera mjög gaman reyndar. 

Núna gleymdu þeir sér og hringdu í mig í panic-i rétt í þessu.  Þeir sögðust vera í miklum vandræðum með vin minn sem þeir væru að sækja því hann skildi greinilega ekkert í ensku og grátbað mig að hringja í hann og hjálpa sér.  Þetta fannst mér furðulegt þar sem pabbi keyrir leigubíl og er oft guide fyrir útlendinga heima og ég hringi því í hann.

Talhólfið svaraði því vélin var ekki lent! Leigubílstjórinn var sem sagt að reyna tala við talhólfið frá Símanum, konuna sem segir “Í augnablikinu getur verið slökkt á far....”.  Er hægt að vera þéttari?

Athugasemdir

[MARKAÐSSETNING Á NETINU, 25.9.2007 kl. 20:14]

ég ætla ekki að reyna átta mig á þessu hjá honum...greyið hélt hann væri alltof seinn en vélinni seinkaði um 40 mín svo þau voru ekki lent.

Var alveg miður sín greyið að skilja ekki "vin minn"

[Ingi Björn Sigurðsson, 25.9.2007 kl. 23:23]

Ég átti í svipuðum sokka vandræðum, fátt leiðinlegra en að para saman sokka. Ég leysti sokka vandmálið mitt þannig að ég keypti 30 eins pör af eins svörtum sokkum. Þess vegna er ég yfirleitt í samstæðum sokkum.

[jal (IP-tala skráð) 25.9.2007 kl. 23:43]

Ég á einmitt líka svona sokkapör...hef náð því að týna engum þeirra og á því pörin ennþá. Mitt vandamál er frekar það að "mánudagsokkarnir" eru aldrei hreinir á mánudögum osfrv. Ekki það að það skipti einhverju máli...það sem er hinsvegar fyndnara er að eins auðvelt og þetta hljómar...þá er fáránlega erfitt að eiga sokka með "vikudögunum" skrifuðum á þeim ef maður vill ekki brjóta stílinn.

[Donna (IP-tala skráð) 26.9.2007 kl. 10:31]

Ég styð Laissez-Faire.  Næst þegar ég kem væri notalegt að mín biði Benz og skilti sem á stæði skýrum stöfum Aðalheiður - minna af Adal Heidul - þó það hafi verið hin skemmtilegasta gestaþraut.

[Þóra T (IP-tala skráð) 28.9.2007 kl. 22:03]

gaman að sjá ykkur fjölskylduna á tónleikunum, ég hef ekki séð foreldra þína síðan.. hvað var það ´98? allir bara í stuði með guði..

[MARKAÐSSETNING Á NETINU, 29.9.2007 kl. 17:14]

Já sömuleiðis :) ...þú verður endilega að láta heyra í þér næst þegar þú ert á London flakki, þá tökum við einn kaffi/öl.

[Supriya Sunneva Kolandavelu, 29.9.2007 kl. 19:33]

Ég geng bara ekki í sokkum svo að það eru ekki nein vandamál þar!! Nema að ef ég er að frjósa, þá stelst ég í sokkaskúffuna hjá öðrum fjölskyldumeðlimum!! Mjög hentugt að skilja vandamálin eftir hjá næsta aðila!! ;) Þú verður að gera það sama gummi minn, næla þér í eitt stykki kvenmann, og ganga svo í hvítum blúnusokkum það sem eftir er, og málið er leyst!;)

Takk fyrir smsið í nótt, haha gamalmennið greinilega ekki komið með leið á djamminu!;)

[Geir Ágústsson, 11.10.2007 kl. 14:22]

Ég verslaði mér 70 pör af sömu tegund svartra sokka og henti öllum öðrum sem ég á. Sokkavandræði no more!