Svo mikill sannleikur frá Thomas Jefferson

Það er sjaldnast tilviljun þegar fólk skarar framúr.  Yfirleitt liggur mikil vinna og puð að baki.  Í raun er árangur fyrirsjáanlegur - ef við erum bara tilbúinn til að leggja nógu hart að okkur.

 

Ég held því mikið uppá þessa tilvitnun í Thomas Jefferson 

 

,,The more I practice, the luckier I get" 

Gömul Loftleiða auglýsing - þeir voru alveg með'etta á þessum tíma ! :)

Markaðsfólk athugið - gildrur geta hjálpa okkur að stýra fólki

Tveir karlmenn voru valdir, báðir álíka myndalegir.  Á campus í bandarískum háskóla voru í framhaldi lagðar þrjár myndir fyrir kvenkyns nemendur. Tvær myndir voru af karlmönnunum tveim, en þriðja myndin var hjá helming þeirra sem voru spurðar af öðrum karlmanninum en Photoshoppuð svo hann var aðeins rangeyður og ófríðari.  Fyrir hinn helminginn af þátttakendum var það hinn karlamaðurinn sem var photoshoppaður aðeins ófríðari.   Það sem var áhugavert við könnunina var að þegar kvenfólkið sem tók þátt  var spurt hvor væri fallegri valdi það alltaf þann karlmann sem var með photoshoppaða mynd af sér á sama seðli.  M.ö.o. með því að hafa ljótari útgáfu af karlmanninum líka völdu þær alltaf eðlilegu myndina af sama manni.  Með því að hafa ljóta mynd af honum, var komin gildra sem ýtti þeim alltaf í að velja flottu myndina af honum í stað flottu myndina af hinum karlmanninum. 

Af hverju gerist þetta?  Dan Ariely segir okkur eiga svo erfitt með að taka ákvarðanir án viðmiða.  Það er því tækifæri fyrir markaðsfólk að setja tálbeitu í tilboð sem stýrir fólki í ákveðna ákvörðun.  Elko gæti t.d. viljað selja eina gerð af sjónvarpi en stillt þremur hlið við hlið.  Sú ódýrasta væri frekar slöpp en aðeins örlítið ódýrari en sú í miðjunni sem er töluvert betri.  Sú besta er hins vegar mun dýrari og með aðeins betri myndgæði.  Með þessari uppstillingu er dýrasta týpan tálbeita sem fær fólk til að kaupa miðjuna.  Ef uppstillingin væri ekki svona (dýrasta týpan væri ekki með aðeins hinar tvær), væri líklegt skv. Dan að mun fleiri myndu velja ódýrustu týpuna!

 

Það sama á við vín á veitingastöðunum, með því að stýra framsetningu með ódýru víni sem er samt ekki mikið ódýrara en það næsta á eftir.  Með því að hafa einnig mjög dýra týpu í boði, fara fæstir í ódýrasta vínið og fáir í það dýrasta...því fólk telur sig ,,safe" að velja þetta í miðjunni - þó það geri sér oft ekkert grein fyrir því hvað það er að velja (m.ö.o. gæti ódýra vínið verið stór fínt) 

Fyrirtæki og langtímastefnur

Grein sem birtist í Markaðinum 17/05 2009.

 

Frá því 1900 hafa Bandaríkin 22 sinnum gengið í gegnum efnahagslegan samdrátt.  Í dag er það því í 23 skiptið sem slíkt gerist þó nú sé hann vissulega óvenjulega djúpur og langur.  Neyslumynstur hefur breyst og nú reynir á að fyrirtæki standi við loforðin sín.  Neytendur þurfa nú  öðruvísi aðstoð og eru mun viðkvæmari en áður.  Seth Godin sagði nýlega:  ,,Viðskiptavinir, starfsmenn og fjárfestar munu minnast þess hvernig þú komst fram við þá þegar tímarnir voru erfiðir, þegar þeir þurftu aðstoð, þegar örlítill stuðningur skipti öllu máli. Engin man eitthvað sérstaklega eftir því hvernig þú komst fram við þá á meðan allt var í blússandi uppsveiflu.“

  

Það er mikilvægt að hafa þetta í huga því samkvæmt könnunum á meðal markaðsstjóra sem fyrirtækið Spencer Stuart gerða nýlega í Bandaríkjunum eru 55% af þeim að vanrækja stefnu fyrirtækja sinna vegna mikillar áherslu á skammtíma markmið.  80% segja samt fyrirtækin sín í mjög góðu formi til að hefja vöxt að samdrætti loknum og 57% telja 2010 verði mun betra ár en 2009. 

Könnunin sýndi að að markaðsstjórar eru fastir í niðurskurði og að nær allur fókus er á skammtímamarkmið og að stýra útgjöldum.  Tilhneyingin hjá fyrirtækjum í dag er að skera grimmt niður og auðvitað ekki að ástæðulausu.  Það er skorið niður þvert yfir og á mörgum bæjum eru engin horn heillög í þeim efnum.  Þetta er gert þrátt fyrir að of mikill niðurskurður, sérstaklega í sýnilegum þjónustuþáttum og minna auglýsingaáreiti, getur verið mjög skaðlegur.  Fyrirtæki verða því að passa að taka auka kg af rekstrinum án þess að ganga of langt og hætta á að lenda í einskonar lystarstoli því þaðan getur verið mjög erfitt að komast aftur.  Ef gengið er of langt er nefnilega ólíklegt að fyrirtækjum takist að vaxa aftur eftir kreppu því í hugum neytenda geta vörumerkin þá verið orðin mjög breytt.  Það er því eðlilegt að spyrja hvort flestir markaðsstjórar séu ekki að blekkja sjálfan sig þegar þeir segjast vel í stakk búnir til að hefja vöxt aftur að loknum samdrætti ef þeir eru nú flestir að hunsa langtímastefnu fyrirtækisins .

 

Allar rannsóknir sem hafa verið gerðar á fyrirtækjum sem ganga í gegnum samdrætti ber saman um að þau sem viðhalda sömu fjárfestingu og áður (eða gefa jafnvel  í)  koma oftar en ekki jafn sterk eða sterkari út úr samdrætti.   Michael Mendenhall, Markaðsstjóri HP, sagði nýlega í viðtali að það væri að sjálfsögðu mikilvægt að bregðast við.  Það þyrfti hins vegar að passa að skammtímaaðgerðir væru í samræmi við langtímastefnu fyrirtækisins.  Mendenhall sagði einnig að nú væri mikilvægt að beita viðeigandi taktík til að mæta þessu breytta umhverfi en alls ekki taka U-beyju í stefnu fyrirtækisins eða vanrækja hana.  Allir markaðsstjórar sem vanrækja langtímastefnuna eða virða hana að vettugi eiga eftir að lenda í stórkostlegum vandræðum síðar.  

 

Markaðsstjórar þurfa því að passa sig að festast ekki í vörninni heldur verða þeir einnig að hlúa að vörumerkjunum sínum og vinna að vexti.  Þeir mega ekki festast í að slökkva elda og láta uppsagnir og skert fjármagn taka frá sér alla orku og tíma.  Nú þarf að finna ný tækifæri, sækja fram og passa að allar aðgerðir séu í takt við stefnu fyrirtækisins.  Ímynd fyrirtækja verður til á mörgum árum en getur glatast á örskömmum tíma ef þau fara af leið.  Farsælustu fyrirtækin eru vandlát við það hvar þau skera niður.  Þau sem hafa staðið samdrætti best af sér eru þau sem skera grimmt niður í bakvinnslu og á öðrum „ósýnilegum stöðum“  ásamt því að fara í grimmar aðgerðir við að auka framleiðni á bak við tjöldin.  Þau passa hins vegar að viðskiptavinir þeirra upplifi aldrei né sjái þjónustuna skerðast á nokkurn hátt.  Að lokum þá  reyna þau að viðhalda fjárfestingu til markaðsmála ásamt því að stökkva hratt á öll ný tækifæri sem opnast sem eru fjölmörg í jafn miklum breytingum og við upplifum nú! 

Hvernig markaðsstjóri ert þú? - Algjör snilld :)

MMR segir að við séum ánægð (þrátt fyrir allt!)

Það er mikilvægt fyrir markaðsfólk að haga skilaboðum svo það sé ,,relevant" fyrir markhópinn þeirra.

 

Íslendingar eru ánægðir með margt í dag skv. MMR (sjá mynd að neðan).  Væntingavísitala Capacent hefur jafnframt ekki verið hærri frá því í okt '08.

 

Skilaboðin okkar verða að taka mið að því. 

 

 

 

Farðu rólega í að fullyrða um framtíðina! Nokkur fyndin dæmi...

Mark Twain sagði, ‘It is not what we don’t know that gets us into trouble; it is what we think we know for sure.’   Margir miklir hugsuðir hafa verið mjög staðfastir í trú sinni á framtíðina.   Hér eru nokkur klassísk dæmu um mikla menn sem voru ekki alveg með það:

 

1. Simon Newcomb (1835-1909), the leading US astronomer of his time and a professor of astronomy and mathematics, declared that flight by heavier-than-air objects was completely impossible. After the Wright brothers made their first flights he still claimed that airplanes were impractical and worthless.
2. Ernst Werner von Siemens (1816-1892), the great German engineer who developed the telegraph industry and founded the company bearing his name, declared, ‘Electric light will never take the place of gas.’
3. Lord Kelvin (1824-1907) was a distinguished British mathematician and physicist who developed the law of conservation of energy. The Kelvin scale of absolute temperature is named after him. He scoffed at the idea of radio and stated, ‘Radio has no future.’ He also said, ‘X-rays will prove to be a hoax.’
4. H.G. Wells (1866-1946) the eminent British author and one of the first science fiction writers said in 1902, ‘I refuse to see any sort of submarine doing anything except suffocating its crew and floundering at sea.’
5. General Douglas Haig (1861 -1928) the commander of the British Army in WWI said in 1914 of the machine gun, ‘Make no mistake, this weapon will change absolutely nothing.’
6. In 1927, H.M Warner of Warner Brothers asked, ‘Who the hell wants to hear actors talk?’
7. Dr Albert Einstein said in 1932, ‘There is not the slightest indication that nuclear energy will ever be obtainable.’
8. Rex Lambert, Editor of The Listener, wrote in 1936, ‘Television won’t matter in your lifetime or mine.’
9. Don Rowe was the director of Decca Records who turned down the Beatles. He said to their promoter, Brian Epstein, ‘We don’t like your boys’ sound. Groups of guitarists are on the way out.’
10. Ken Olson, CEO of DEC said in 1977, ‘There is no reason anyone would want a computer in their home.’

Af hverju vill fólk frekar versla við Build-a-Bear, Starbucks og Apple ?

Pine og Gilmore segja í bók sinni The Experience Economy að í dag verði fyrirtæki að bjóða minnistæða og einstaka upplifun til að sigra í samkeppninni: 

• If you charge for suff, then you are in the commodity business
• If you charge for tangible things, then you are in the goods business
• If you charge for the activities you perform, then you are in the service business
• If you charge for the time customers spend with you, then and only then are you in the experience business

Starbucks og Apple eru mjög góð dæmi um fyrirtæki sem fara eftir pælingum þeirra félaga.  Build-a-bear er en annað frábært dæmi.  Ég bloggaði um Build-a-bear fyrir ekki svo löngu, en vegna upplifunarinnar sem þeir skapa, er maður tilbúinn til að greiða mun hærra verð fyrir bangsa hjá þeim. 

Læt myndband með Joe Pine fylgja með (sem ég hef reyndar áður postað)

Hvernig bjargar maður starfinu sínu í kreppu?

Grein sem birtist í Mannlífi árið 2008.

 

Íslendingar voru að hverfa frá því að vera fyrirmyndaríki í hinum vestræna heimi yfir á stall með þeim sem standa hvað veikast.  Svo hratt hefur þessi kúvending orðið að ætla mætti að um farsa væri að ræða.  (Nýi) Glitnir spáir því að samdrátturinn verði á bilinu 2-7% á næsta ári, atvinnuleysi fari úr rúmlega einu prósenti í fjögur til fimm prósent og verðbólga verði á bilinu fimmtán til tuttuguprósent.  Atvinnuöryggið sem var til staðar fyrir aðeins örfáum mánuðum er horfið.  Framundan eru uppsagnir og launaskerðingar.  Þegar svona dynur á óttast auðvitað allir um sinn hag en það er ýmislegt hægt að gera til að bjarga starfinu sínu í kreppu. 

Það er oft heppni sem ræður því hver er inni og hver er úti þegar fyrirtæki þurfa að stokka jafn grimmt upp hjá sér líkt og nú.  Margt er hins vegar sameiginlegt með þeim sem eru síður látnir fara.  Rannsóknir hafa sýnt að þessir einstaklingar eiga auðveldara með að horfa blákalt á stöðu mála og eru þannig fljótir að átta sig á breyttu umhverfi.  Af eigin frumkvæði hafa þeir einnig áhrif á framvindu mála en bíða ekki eftir að einhver annar geri það.  Þeir skipuleggja sig og vinna strategískt að því að halda sér inni en sannleikurinn er sá að færustu framkvæmdastjórar eiga oft í erfiðleikum með þetta.

Í þessari stöðu er mikilvægt að starfsmenn byrji í raun að haga sér eins og þeir eigi fyrirtækið sem þeir vinna hjá.  Allar ákvarðanir og hegðun þarf að endurspegla það að þeir setji hagsmuni fyrirtækisins ofar þeirra eigin.  Eins illa og það hljómar, þegar verið er að segja fólki upp og endurskipuleggja, skiptir mjög miklu máli fyrir stafsmenn að vera skemmtilegir, jákvæðir og bjartsýnir.  Þetta snýst ekki um að breytast í Ladda, heldur að forðast það að vera sá sem er alltaf í slæmu skapi og er sífellt að minna samstarfsfélagana á það hvað fyrirtækið og hagkerfið sé dautt.  Við þessar aðstæður er mikilvægt fyrir starfsfólk að fókusera á markmið fyrirtækisins og vera sjálfsöruggt.  

Rannsóknir hafa sýnt að þegar yfirmenn eru spurðir þá segjast þeir velja hæfustu einstaklingana en það sé aukaatriði ef þeir eru viðkunnanlegir líka. Ástæðuna segja þeir vera sú staðreynd að auðveldara sé að kenna þeim kláru að verða viðkunnanlegri en að gera þá sem vita lítið klára.  Þrátt fyrir að yfirmenn segi þetta svona, haga þeir sér öðruvísi í raunveruleikanum.  Ef fólki mislíkar einhver, sýna rannsóknir að í raunveruleikanum skiptir engu máli hve klár sá einstaklingur er, hann verður alltaf með þeim fyrstu út.  Með öðrum orðum er fólk mun líklegra að halda starfinu sínu með því að verða örlítið viðkunnanlegra en með því að verða örlítið klárara.  

Það getur hins vegar verið erfitt fyrir fólk að skína af jákvæðni í vinnu á sama tíma og það hefur áhyggjur af því að geta ekki borgað reikninga heimilisins. Rannsóknir Diane L. Coutu hafa beinst að því að skoða hvaða persónueinkenni þeir sem komast í gegnum krísur eiga sameiginlegt.  Með öðrum orðum, hvernig verður þessi þrautseigja til hjá fólki. Diane hefur komist að því að þrír eiginleikar liggja að baki.

Fyrsti eiginleikinn er að geta horfst í augu við raunveruleikann.  Jim Collins segir frá viðtali við flotaforingjann Stockdale í bókinni Good to Great.  Stockdale var fangelsaður í Víetnam, og var pyntaður þar í 8 ár af Vietkong liðum.  Jim spurði hann ,,Hverjir voru það sem lifðu ekki af?”  Stockdale svaraði: ,,Það er mjög einfalt að svara því. Það voru bjartsýnismennirnir sem héldu að þeir yrði lausir fyrir jól. Þegar það rættist ekki héldu þeir að þeir yrðu lausir fyrir páska, svo á þakkargjörðardaginn, svo 4 júlí og svo aftur jólin á eftir. Veistu, ég held að þeir hafi allir dáið úr hjartasorg vegna brostinna vona.”  Rannsóknir Jim Collins hafa staðfest að stjórnendur í best reknu fyrirtækjum Bandaríkjanna búa yfir þessum hæfileika.  Það er nefnilega mjög mikilvægt að hafa raunhæfar skoðanir á stöðu mála..  Þegar fólk áttar sig á því hver raunverulega staðan er getur fólk byrjað að undirbúa sig til að takast á við þær, þola þær og lifa af hvaða harðræði sem er.    

Annar þátturinn er leitin að tilgangi.  Viktor Franklin var í Auswitch.  Hann fékk nóg af tilgangslitlu lífi sínu eftir að hann hafði haft stöðugar áhyggjur af bæði grimmum verkstjóra sem hann var að fara vinna fyrir og þeirri ákvörðun hvort hann ætti að skipta á síðustu sígarettunum sínum og súpuskál. Hann áttaði sig allt í einu á því hversu tilgangslítið líf hans var, hann vantaði tilgang!  Hann fór því að ímynda sér að hann væri að halda fyrirlestra um sálarlífið sem fylgdi því að vera í útrýmingarbúðunum.  Hann setti sér markmið og náði þannig að rísa yfir þær þjáningar sem hann var að líða.  Þetta kom Viktori lifandi í gegnum búðirnar, en þeir sem lifðu vistina með honum tóku allir í sama streng. 

Þriðji og síðasti eiginleikinn er nægjusemi.  Í raun hæfileikinn til að nýta sköpunargáfuna við að leysa vandamálin sem maður stendur frammi fyrir. Það er að leysa þau þrátt fyrir að hafa ekki réttu tólin sem til þarf. Í útrýmingarbúðunum geymdu fangarnir t.d. alla spotta og víra sem þeir fundu.  Þetta gátu orðið, sem dæmi, munir sem skildu á milli lífs og dauða við viðgerðir á fatnaði og skóm í miklum vetrarkuldum.  

Jack Welch sagði eitt sinn ,,fyrirtæki skapa ekki atvinnuöryggi, viðskiptavinir gera það.”  Þetta er mikilvægt að hafa í huga í kreppu.  Það þarf að huga stöðugt að viðskiptavininum. Starfsfólk þarf að reyna að sjá fyrir þarfir þeirra og þjónusta þá svo vel að það verði ómissandi fyrir vikið.  Viðskiptavinir í þessu samhengi geta bæði verið þeir sem versla við fyrirtækið og einnig starfsfélagar innan þess. 

Þegar deildir eru lagðar niður og öðrum breytt er mikilvægt að vera sveigjanlegur og jákvæður. Á svona tímum verður að kyngja stoltinu og afskrifa launahækkanir eða titlastökk. Í breytingunum geta einnig leynst fjölmörg tækifæri.  Fólk þarf að keppast við að koma á framfæri óþekktum hæfileikum sínum því í breytingum geta verið verkefni bæði fyrir ofan og neðan  í stjórnskipulaginu sem það gæti komist í.  Það er hins vegar ekki víst að þessi tækifæri séu augljós við fyrstu sýn.  Þess vegna þarf að taka breytingum með opnum örmum og af eldmóði og hvetja samstarfsfélaga til þess að gera slíkt hið sama.  Framlínufólk verður líka að gera sér grein fyrir því að yfirmenn eru einnig að ganga í gegnum erfiða tíma og því mikilvægt að það geri þeim auðveldara fyrir við að ýta í gegn erfiðum óhjákvæmilegum breytingum.  Það er hægt með því að tala þeirra máli og horfa á breytingar sem tækifæri.  

Rannsóknir hafa ennfremur sýnt að fólk sem sýnir breytingum skilning og aðstoðar yfirmenn sína við að koma þeim í framkvæmd, jafnvel þegar breytingarnar virðast vinna gegn hagsmunum þeirra, er mun líklegra til að halda vinnunni.  Núna verða starfsmenn að hafa samúð með yfirmönnum og þeim erfiðu ákvörðunum sem þeir standa frammi fyrir.  Það gæti hjálpað fólki að halda vinnunni en því betri samskipti sem starfsfólk á við yfirmenn því líklegra að starfinu sé bjargað. 

Woody Allen talaði um að 80% af árangri væri fólgin í að mæta.  Þetta á vel við í kreppu þegar starfsfólk verður að standa saman.  Þá fer að vera mikilvægt að mæta á fundina sem fólki er ekki skylt að sækja, rölta reglulega um fyrirtækið og spjalla við samstarfsfélaga og taka virkan þátt í félagslífi fyrirtækisins.  Augljós eldmóður og áhugi á starfinu sem hann er í getur komið starfsmanni mjög langt í að lifa niðurskurð.

Það getur svo aftur á móti verið úr takt við sjálfsmynd fólks að fara breyta því hvernig það vinnur og hegðar sér í starfi.  Í þeim tilfellum er mun heillavænlegra fyrir fólk að bjóða sig fram til að hætta.  Með því er oft auðvelt að gera góðan starfslokasamning og segja skilið við vinnuveitandann með reisn og góð meðmæli.  Allir yfirmenn vilja frekar gera vel við fólk sem kemur sjálft fram með þessum hætti heldur en að þurfa að segja einhverjum upp sem reiðir sig á starfið og vill ekki hætta.  Þegar fólk er orðið laust aftur er það frjálst til að elta nýja og gamla drauma.  Oftar en ekki fara þá að birtast því ný tækifæri sem það gerði sér ekki grein fyrir að væru í boði. 

iPad og iPhone er ekkert miða við þessa skjái framtíðarinnar!

Þetta er nokkuð funky sýn á framtíðina!

  

Mjög skemmtileg herferð frá Old-Spice !

 

 

 

Svona virkar Google Instant - nýja útgáfan af leitarvélinni (VIDEO)

Google Instant - uppfærsla á leitarvélinni í vikunni - mikil breyting!

Google gaf út nýja viðbót við viðmótið sitt sem þeir kalla Google Instant í vikunni.   Leitarniðurstöður byrja núna að birtast um leið og notendur byrja að slá inn leitarorð.  Niðurstöðurnar byrja að koma eftir að fyrsti stafur í orði er slegin inn og áður en slegið er á enter.  Google er með þessu að reyna spara notendur tíma.

• Það getur sparað 2-5 sekúndur per leit að nota „Google Instant“ viðmótið

• Ef allir í heiminum nota „Google Instant“ áætlum við að það sparist 3,5 billjón sekúndur á dag. Það þýðir 11 „sparaðar“ klukkustundir á hverri sekúndu

• 15 nýjar tæknilausnir búa að baki „Google Instant“ tækninni.

Þessi breyting hefur eingöngu með framsetningu að gera en hefur engin áhrif á leitarniðurstöður.  Þessar breytingar muni ekki koma til íslands alveg strax en koma væntanlega fljótlega.

 

Það er alveg ótrúlegt að Google geti byrjað að leita á meðan notendur eru að skrifa inn orðin - sagan segir að álagið á netþjónana þeirra 20 faldist með þessari nýjung.  Eitthvað hefur verið af umframgetu hjá þeim greinilega! 

Michael Porter um Sigur í samkeppni með aðgreindum vörumerkjum

,,It takes time, effort, creativity, and money for brands to successfully differentiate themselves from the competition. It takes brilliance in innovation or design or advertising creativity or customer service or a combination of these and other factors to develop a brand that stands out from the crowd.

All this effort has its reward. Differentiation translates into products and services that are worth more to people. They will pay more for them and be more loyal to them. If the products are really differentiated, people may even queue all night for them.

But will consumers pay enough for all the brilliance and hard work? Can you drive enough revenue from your sources of differentiation to cover the cost of the resources required to create them?

This was a key principle expressed by Michael Porter in his book, Competitive Advantage, celebrating its 25th anniversary this year. As Porter says: "Differentiation leads to superior performance if the price premium achieved exceeds any added costs of being unique." It's the net benefit that counts."

 

http://www.landor.com/index.cfm?do=thinking.blog&post_id=23896&bhcp=1 

Snilldar "Youtube" Viral frá Tipp-exx

Í bloggfærslunni í gær var grein um Buzz markaðsaðgerðir sem birtist í markaðinum.  Ég vitnaði í færslunni í Mak Hughes, en rannsóknir hans hafa sýnt fram á að sé innihald efnis sem á að dreifa af ákveðinni tegund eru líkurnar á árangri meiri.

 

Tegundirnar eru sögur sem innihalda eitthvað: tabú (kynlíf, lygi, baðherbergishúmor), óvenjulegt, svívirðilegt, mjög fyndið, mjög markvert eða leyndarmál (sem er annaðhvort uppljóstrað eða ekki). 

 

Ég læt ykkur um að dæma hvernig þetta viral stönt frá Tipp-exx passar inn í pælingarnar hans Hughes - virkilega skemmtileg auglýsing sem hefur fengið tugi milljóna áhorfa á netinu - smelltu á myndina til að sjá hana.

  

 http://www.youtube.com/tippexperience

Buzz / viral markaðsaðgerðir

Grein sem birtist í Markaði Fréttablaðsins í Júní 2006 

Í söngleiknum Jesus Christ Superstar spurði Tim Rice eitt sinn ,,What is the Buzz, tell me what is happening?”  Aðal málið (buzz-ið) í auglýsingaheiminum í dag er buzz-ið sjálft, þ.e.a.s. buzz markaðssetning  En hvað er buzz markaðssetning? Hana má skilgreina sem markaðssetningu sem nær athygli fólks og fjölmiðla á þann hátt að það verður skemmtilegt, áhugavert og fréttnæmt fyrir fólk að tala um vörumerkið.  

Buzz markaðssetningar fóru að vera áberandi í kringum árið 1990 en þá fór það að skipta meira málir fyrir vörumerki að vera álitin svöl.  Það hefur einnig ýtt undir notkun buzz aðgerða að árangur af hefðbundnum auglýsingum virðist fara dvínandi. Áhorf, hlustun og lestur er sífellt að dreifast á fleiri miðla sem þýðir fleiri birtingar, á fleiri stöðum, til þess að ná ásættanlegum árangri.  Annað vandamál sem auglýsendur standa frami fyrir er traustið, þ.e.a.s. neytendur bera sífellt minna traust til þeirra skilaboða sem koma fram í auglýsingum.

Erlend fyrirtæki eru í auknu mæli farin að notast við buzz aðferðir.  Dæmi um mjög vel lukkað buzz sem erlendir aðilar ýttu úr vör, og við þekkjum hér á Íslandi, er markaðsherferðin fyrir The Blair Witch kvikmyndina.  Sett var upp vefsvæði sem kynnti þjóðsöguna um Blair nornina líkt og hún væri sönn.  Þar var ennfremur sagt frá ungum krökkum sem fóru út í skóg og týndust við að kanna þjóðsöguna en skildu eftir sig ógnvænlegar myndbandsupptökur.  Hópur af fólki var svo fengið til að blogga, fara á spjallsvæði og umræðuþræði og breiða þannig út boðskapinn líkt og um sanna sögu væri að ræða  Þessar aðgerðir sköpuðu buzz sem varð til þess að tugir milljóna manna út um allan heim trúðu sögunni og höfðu ekki hugmynd um hvort myndin væri byggð á sönnum atburðum eða ekki þegar hún kom í kvikmyndahús. Þetta skapaði mikla umræðu um myndina sem skilaði sér í gríðarlegri aðsókn. 

Traustið kemur hér inn sem einn helsti kostur buzz markaðsaðgerða.  Þegar fólk sem virðist ekki hafa neina hagsmuni að gæta segir frá vörumerki er það mun trúverðugra en þegar hefðbundnar auglýsingar segja sömu sögu.  Markaðsfólki til mikillar lukku elskar fólk að segja sögur og umfram allt sögur sem enginn hefur heyrt.  Ef sagan er góð, eins og í tilfelli Blair nornarinnar, dreifist hún því manna á milli eins og eldur um sinu, sögð af ástríðu í hvert skiptið sem vörumerkið nýtur góðs af.  

Buzz aðgerðir eru mjög ódýrar, mun ódýrari en hefðbundnar auglýsingar. Ólíkt hefðbundnum auglýsingum toga buzz markaðsaðgerðir neytendur að vörunni líkt og í tilfelli kvikmyndarinnar að ofan.  Hefðbundið markaðsstarf reynir hins vegar sífellt að ýta vörunni að neytendum.  

Þegar orkudrykkurinn Red Bull var að slíta barnskónum fyllti fyrirtækið ruslafötur í flottustu hverfunum í London af tómum Red Bull dósum.  Fyrirtækið náði þannig markmiði sínu að búa til þá ímynd að allt fína fólkið í London væri að drekka Red Bull.  Mjög mörg fyrirtæki hafa einnig borgað fólki fyrir að bíða í röðum fyrir utan hjá sér sem án undantekninga vekur miklar forvitni.  Raðir fyrir utan verslanir búa til þá mynd í hugum þeirra sem ganga hjá að vörurnar sem þar eru seldar hljóti að vera aðalmálið.  

Ford fór í stóra buzz herferð þegar Ford Focus var fyrst kynntur.  Fyrirtækið fór af stað og leitaði uppi áhrifavalda (e. trendsetters) í Bandaríkjunum og lánaði gífurlegum fjölda þeirra bíla til afnota í sex mánuði.  Þegar þessi hópur áhrifavalda sást keyra á bílunum, og verða þannig talsmenn þeirra, tók salan mikinn kipp og fengu bílarnir strax þá ímynd að þeir væru svalir sem höfðaði sterkt til markhópsins.   

Smæð landsins og mikil net og blogg notkun gerir það að verkum að það er sérstaklega auðvelt að koma af stað buzz-i á Íslandi.  Hér á landi lesa 57% ungmenna blogg síður daglega og 83% lesa þær þrisvar sinnum í viku eða oftar.  25% ungmenna blogga í hverri viku en 17% í hverjum mánuði.  Fleiri blogga en blogga ekki! Hér er því gríðarlegt sóknarfæri fyrir íslenskt fyrirtæki. 

Tvö íslensk dæmi um vel heppnaðar buzz herferðir eru nýi orkudrykkurinn Burn og íslenskur raunveruleikaþáttur sem var á einni íslensku sjónvarpsstöðinni.  Nokkrum mánuðum áður en orkudrykkurinn Burn var kynntur var stórum hópi áhrifavalda á Íslandi sagt frá partíi sem yrði rosalegra en áður hefði sést á Íslandi.  Buzz-ið var þannig sett af stað mánuðum fyrir partíið en enginn fékk að vita tilefni veislunnar, aðeins grófa dagskrá, hversu miklu yrði kostað til og að þetta yrði rosalega VIP.  Nokkrum vikum fyrir partíið var miðinn í það orðin heitasti miðinn í bænum en mun færri miðar voru í boði en eftirspurnin.  Gestalistanum var svo lekið í slúðurblöð þar sem nöfn allrar elítunnar á Íslandi var að finna en við það ætlaði um koll að keyra.  Þegar í partýið var komið var drykkurinn kynntur en þeim útvöldu fannst svo auðvitað fátt skemmtilegra en að segja frá partíinu og drykknum í langan tíma á eftir.  Það var ákveðið stöðutákn að geta sagt frá partíinu og vörunni því þeir sem það gátu voru á meðal þeirra útvöldu og gátu sagt sögur sem aðrir gátu ekki. 

Önnur vel lukkuð buzz markaðsaðgerð var kynning á raunveruleikaþætti sem ein af íslensku sjónvarpsstöðvunum fór af stað með.  Hópur af bloggurum voru fengnir til þess að skrifa um þættina og þátttakendur á gríðarlegum fjölda bloggsíðna, umræðu- og spjallþráða.  Þessi netumræða, sem var engin fyrir aðgerðirnar, ýtti af stað snjóbolta sem varð fljótt að snjóflóði.  Sögur af þættinum og þátttakendunum sjálfum urðu fljótt mjög vinsælt umræðuefni á netinu, svo vinsælt að íslensk tímarit og blöð fóru að endurskrifa sögurnar og birta.  Oftar en ekki voru þessar sögur sprottnar upp frá netverjum sjálfum eftir að snjóboltanum hafði verið ýtt af stað.  Fólk var farið að elska að tala um þættina, buzz-ið var byrjað. 

Mark Hughes, höfundur bókarinnar Buzzmarketing, hefur við rannsóknir sínar komst að því að það eru sex tegundir sagna sem auka gríðarlega líkur á árangri við að búa til buzz fyrir vörumerkjum. Tegundirnar eru sögur sem innihalda eitthvað: tabú (kynlíf, lygi, baðherbergishúmor), óvenjulegt, svívirðilegt, mjög fyndið, mjög markvert eða leyndarmál (sem er annaðhvort uppljóstrað eða ekki) . 

Buzz markaðsaðgerðir einar og sér geta verið gríðarlega góð fjárfesting fyrir fyrirtæki og ennþá betri ef þeim er fylgt eftir með hefðbundinni auglýsingaherferð.  Það ber þó að ítreka mikilvægi þess að ígrunda markaðsáætlunina þar sem buzz-ið dreifist manna á milli stjórnlaust eftir að af stað er farið.  Þegar vel gengur geta buzz markaðsaðgerðir skilað ábata fyrir hverja krónu sem kostað er til, langt umfram það sem hefðbundnar auglýsingar geta nokkuð tímann.  Hér er því um að ræða mikið tækifæri fyrir íslensk fyrirtæki.  

Íslenskt dæmi um hvað Social media getur verið öflugt verkfæri

Icelandair stendur mér eðlilega mjög nærri.  Ferðaskrifstofa á Íslandi sem heldur uppi áætlunarflugi hefur verið í vandræðum með stundvísi, á meðan Icelandair hefur undanfarin ár verið að slá ekki aðeins eigin met, heldur verið i fararbroddi hvað varðar stundvísi á meðal flugfélaga í Evrópu.

 

Samantha Grover setti texta á vegginn hjá Icelandair  og mynd "This is why I love Icelandair" (sjá fyrri mynd).  Neðri myndin sýnir Komur/Brottfarir í Leifsstöð þar sem ferðaskrifstofan er ekki með eitt flug á tíma á meðan Icelandair er með öll.

 

Pælingin er alls ekki að berja á IE eða tala þá niður  - heldur benda hér á hvað fyrirtæki með góða þjónustu geta hagnast í þessu opna samskiptasamfélag sem við búum við.  Fyrirtæki komast ekki upp með að standa sig ekki og að laga ekki það sem miður fer.  Auðvitað hefur það alltaf verið þannig - núna dreifast sögurnar bara hraðar og því fá fyrirtækin skellinn mun harðar og hraðar.

 

Rúmlega 50 manns voru búnir að setja "I like" á færsluna þegar ég tók screenshot.  Ef við gefum okkur að 100 vinir þessa 50 manna hóps hafi séð færsluna - eru 5000 manns búnir að sjá myndina.  

 

Samkvæmt könnunum verður fólk fyrir áhrifum af svona færslum - svo markaðsfólk verður að láta sér það varða. 

 

 

 

 

 

 

 

 

 

 

 

 

 

 

 

 

 

 

 

 

 

Erum við að horfa minna á sjónvarp?

Bretar eru ekki að horfa minna.  Þeir horfa meira á sjónvarp en nokkurn tímann áður.  Meðal áhorf í klst. á viku hækkaði um 2 klst og 29 mínútur á Q1 í ár á móti sama tíma í fyrra.  

Mýtan um að ungt fólk sé hætt að horfa á sjónvarp er einnig röng.  Kannanir sýna að sjónvarpsáhorf er ekki í neinni lægð, en er þó að dreifast á fleiri miðla.  Hver þáttur í sjónvarpi er því að fá minna áhorf, en heildaráhorf virðist ekki vera að minnka hjá neinum hóp

The Independent, 4 May 2010, p35

IKEA með mjög flott auglýsingastönt

 

 

 

 

 

Word of mouth er mikilvægt

Orðspor (e. word of mouth) er sagt vera aðal áhrifavaldur við allt að 50% af öllum kaupákvörðunum. Orðspor hefur mestu áhrifin þegar fólk verslar vöru í fyrsta skiptið og þegar vara er dýr.  

 

Ný könnun frá MMR á Íslandi styður þetta að nokkru leyti.  Meðmæli frá fólki sem ég þekki (sem getur verið í gegnum samfélagsmiðlana), heimasíður fyrirtækja og umsagnir neytenda á netinu eru í efstu 3 sætunum.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Netið hefur haft mikil áhrif á þessa þróun (eins og könnun MMR sýnir) en því er mikilvægara en nokkurn tímann fyrr að fyrirtæki séu meðvituð um hvernig Google endurspeglar þau.  

 

Veist þú hvernig þitt fyrirtæki er á leitarvélunum?

 

McKinsey Quarterly, Number 2, 2010, pp113-116