Íslenskur sjónvarpsþáttur um markaðsmál - Alkemistinn, nýjasti þáttur!

Alkemistinn 20OKT10 from Vidar Gardarsson on Vimeo.

Viska til markaðsfólks frá Charles Saatchi

Einar frá Umferðarstofu að tala um hræðsluauglýsingar í sjónvarpsþættinum Alkemistinn

Alkemistinn 06OKT10 from Vidar Gardarsson on Vimeo.

NHS - anti-reykingar

 

 

 

Ryanair er skólabókadæmi um challenger brand!

Bækur eru ekki að deyja - en verða á öðru formi. Verður framtíðin svona?

The Future of the Book. from IDEO on Vimeo.

22 Lögmál markaðarins - ein af betri markaðsfræðibókunum eftir Al Ries og Jack Trout

Lögmálin 22 eru:

• Nr 1--Lögmálið um forystuna: Betra að vera fyrstur en bestur
• Nr 2--Lögmálið um sviðið: Ef þú ert ekki fyrstur á einhverju sviði, búðu þá til nýtt svið þar sem þú ert fyrstur.
• Nr 3--Lögmálið um hugann:  Betra að vera það fyrsta sem kemur upp í hugann en að vera fyrstur á markaðstorginu
• Nr 4--Lögmálið um skynjun: Markaðssetning er ekki barátta um varning heldur skynjun
• Nr 5--Lögmálið um athygli: Öflugasta hugtakið í markaðssetningu er að eiga orð sem kemur upp í huga hins hugsanlega kaupanda
• Nr 6--Lögmálið um sérstöðu: Tvö fyrirtæki geta ekki átt sama orðið sem kemur upp í huga hugsanlegs kaupanda
• Nr 7--Lögmálið um röðun: Mismunandi markaðsstefna eftir því hvar þú ert í röðinni í huga neytandans
• Nr 8--Lögmálið um tvískiptingu: Þegar fram í sækir verður baráttan ávallt á milli tveggja fyrirtækja
• Nr 9--Lögmálið um hið gagnstæða: Til þess að ná sterkri stöðu gegn leiðtoga á að bjóða kost sem er andstæðan við aðal kost hans
• Nr 10-- Lögmálið um skiptingu: Með tímanum munu öll svið skiptast upp í undirsvið, t.d. tölvur, tónlist, bílar,  gosdrykkir 
• Nr 11og 12--Lögmálið um yfirsýn og útþenslu: Áhrifa markaðssetningar gætir yfir langt tímabil og oft fer ekki saman skammtíma- og langtíma sjónarmið, t.d. afslættir ýmis konar.  
• Nr. 13-Lögmálið um fórnina: Það er hægt að fórna þrennu: vörulínu, markhóp og breytingumMörg dæmi sanna að fyrirtæki sem reyna að vera allt fyrir alla fari  illa
• Nr 14--Lögmálið um eiginleika: Sá eiginleiki sem skiptir neytendur mestu oft upptekinn af leiðtoga. Finna annan eiginleika og gera að sínum eða andstöðuna við eiginleika andstæðingsins,
• Nr 15--Lögmálið um hreinskilni: Þegar þú viðurkennir veika hlið þá færðu jákvætt viðmót frá hugsanlegum neytendum
• Nr 16 og 17--Lögmálið um hið einstaka og ófyrirséða: Þær aðgerðir sem skila virkilegum árangri eru ávallt óvæntar
• Nr 18--Lögmálið um velgengni: Sjálfsöryggi er versti óvinur velgengninnar því þá er hætta á að viðkomandi telji sínar þarfir vera þarfir markaðarins
• Nr 19--Lögmálið um mistök: Skipuleggjum okkur upp á nýtt og björgum málunum.  Ekki leiðin því ef okkur mistekst þá eigum við að viðurkenna það og draga okkur til baka
• Nr 20--Lögmálið um gífurlegar breytingar: Oft spá fjölmiðlar gífurlegum breytingum á einhverju sviði og gera of mikið úr afleiðinum þeirra
• Nr 21--Lögmálið um (tísku)sveiflu: Oft ruglast fyrirtæki á sveiflu og þjóðfélagslegri breytingu þ.e.a.s. stefnu og fara flatt á því, t.d. Cabbage kids og önnur leikföng
• Nr 22--Lögmálið um fjármagn: Engin hugmynd sama hversu góð hún er verður aldrei að veruleika nema nægjanlegt fjármagn sé til staðar. Það kostar peninga að berjast um hlutdeild af huga neytenda og halda honum

Hvað er það sem hvetur starfsfólk mest áfram?

Samkvæmt rannsóknum í USA er þetta röðunin á því sem hvetur starfsfólk mest áfram. Aftari talan er það sem yfirmenn héldu að skipti starfsfólk mestu máli samkvæmt sömu rannsókn.

Óánægðir viðskiptavinir, hefur þitt fyrirtæki efni á þeim?

Óánægðir viðskiptavinir segja vinnufélögum, heitapottsfélögum, spilafélögunum og raunar öllum sem hann hittir næstu 2 til 3 daga frá reynslu sinni.

Sölumenn tala kannski að jafnaði við 2 óánægða viðskiptavini á viku, sem eru 104 á ári per sölumann.

Ef þú ert með 6 sölumenn eru það 624 óánægðir viðskiptavinir á ári, sem gætu sagt 12 manns hver frá slæmu reynslu sinni af viðskiptunum, það eru 7448 manns sem hafa slæma sögu að segja um fyrirtækið.

 

Ef þetta gengur svona í 5 ár hafa að lokum 37.240 íslendingar heyrt hversu slæma þjónustu fyrirtækið þitt er að bjóða. 

 

Í dag er fólk hins vegar að deila slæmum sögum á bloggum, Facebook, Twitter og öðrum samfélagsmiðlum.  Það er því mun líklegra að hver sem hefur slæma sögu að segja um fyrirtækið deili henni með fleirum en áður.  Margfeldisáhrifin eru því meiri.

 

Hefur þitt fyrirtækið efni á að vera með óánægða viðskiptavini? 

Aðeins einn dagur í einn snjallasta samfélagsmiðla markaðsmann Breta + ein gömul og fyndin!

Þórhallur og Friðrik markaðsfræðikennarar frá HÍ í Alkemistanum

Alkemistinn 29SEP10 from Vidar Gardarsson on Vimeo.

Hvað er blogg?

Nýr mjög góður fyrirlestur frá Seth Godin !

Seth er mjög skemmtilegur fyrirlesari - og reyndar rándýr líka.  Menn hafa reynt að fá hann til Íslands en verðmiðinn er í kringum 130-140.000 dollara!

Í fyrirlestrinum talar hann um hluti sem eru brotnir í þjónustu fyrirtækja en fyrirtækin gera sér oft ekki grein fyrir því.  Frábær fyrirlestur sem fær mann aðeins til að hugsa.

 

Seth Godin at Gel 2006 from Gel Conference on Vimeo.

ÍMARK: Samfélagsmiðla snillingur á leið til Íslands!

Hvernig getur þú tryggt að hugmyndirnar þínar verði ekki skotnar niður á ,,fundinum"?

Í nýjasta HBR er áhugaverð grein sem heitir ,,How to save good ideas."   Greinin fjallar um það hvernig leiðtogar geta aukið líkur á því að góðar hugmyndir fái tækifæri til að taka á loft.  

 

Í greininni segir ,,The most effective people, instead of just spraying verbal bullets, respond in a way that is not only respectful but very short, simple, clear and filled with common sense." 

 

 Hér eru svo ,,vinsælustu" 24 leiðirnar sem eru notaðar við að skjóta niður hugmyndir innan fyrirtækja.   Þegar þú ferð að selja góðu hugmyndina þína næst - tryggðu að þú getir svarað þessum:

 

 

Netið og Markaðsstjórar

Grein sem birtist í Markaðinum árið 2009

Í dag eru allir markaðsstjórar net markaðsstjórar því allir Íslendingar eru nú á netinu.   Netið er að breyta því hvernig fólk hagar lífi sínu en það er einnig að verða sífellt fyrirferðameira í einkalífi fólks.  Á netinu deilir fólk fæðingu og uppvexti barnanna sinna, finnur sér ástvini og heldur það sambandi við vini og gamla skólafélaga.  Það finnur upplýsingar um heilsukvilla og lyf, deilir fjölskyldumyndunum, les fréttir, horfir á sjónvarp og skipuleggur einkalífið og fríin.  

Það hefur oft verið fullyrt að netið hafi gjörbreytt kjarnanum við stjórnun vörumerkja.  Þetta er ekki rétt.  Hann snýst ennþá um það sama.  Að vita hvað viðskiptavinirnir vilja, bjóða vöru eða þjónustu sem uppfyllir þær þarfir og gera það vel og alltaf eins.  Það sem hefur hins vegar breyst eru samskiptaleiðirnar og sú staðreynd að fyrirtæki hafa aldrei verið eins berskjölduð. Það er í raun komið stækkunargler á allt sem fyrirtæki gera og ef þau standa ekki við það sem þau lofa, kemst strax upp um þau.  Fyrirtæki geta ekki falið neitt lengur.  Á netinu geta neytendur borið saman verð og gæði fyrirtækja á örskotstíma. Ungling í breiðholtinu sem langar í MP3 spilara gæti eins auðveldlega talað við vin sinn í Hafnafirði, lesið blogg hjá Tokyo-búa og umsögn Breta á tónlistarsíðu til að ákveða sig.  Áður en farið er út að kaupa, gæti hann hafa borið saman verð á Íslandi og nokkrum öðrum stöðum í heiminum.  Þegar kaupin eiga sér loks stað er sölunni í raun lokið.  Hann á aðeins eftir að ná í gripinn.  

Sögur ferðast hratt á netinu.  Bæði slæmar sögur og góðar.  Sem dæmi þurfti lásaframleiðandi í Bandaríkjunum að endurkalla mikið magn hjólreiðalása eftir að unglingur með venjulegum BIC penna tókst að opna eina tegund af lás fyrirtækisins.  Hann tók gjörninginn upp, setti á Youtube og  myndbandið fór eins og eldur um sinu á netinu.  Fyrirtækið þurfti að endurkalla þessa nýju lásalínu og tók mikinn skell fyrir vikið. Önnur nýleg saga er af frægri pizzastaðakveðju út í heimi sem lenti í því að tveir starfsmenn gerðu heldur ógeðfelda hluti við pizzu í vinnunni sem var svo send til viðskiptavinar.  Atvikið var myndað af starfsmanni, sett á netið og fyrirtækið, sem er með útibú út um allan heim, fékk gríðarlegt högg í mörgum löndum þar sem milljónir manna sáu mynbandið á örfáum dögum.  

Það fyrsta sem yfirmenn spyrja þegar slæm saga fer af stað á netinu er hvernig hægt sé að redda því?  Stutta svarið er að það er ekki hægt.  Fyrirtæki geta einungis sagt sína hlið á málinu, gert það stöðugt og vonað svo að almenningur hlusti frekar á fyrirtækið en ,,brjálæðinginn á horninu.“   Hitt er svo annað mál að flest fyrirtæki sem hafa lent í svona skell á netinu hafa lent í því af ástæðu.  Þ.e.a.s. þjónustan eða vörurnar sem þau voru að bjóða voru ekki að standast loforðið sem fylgdi þeim.  Lásaframleiðandinn var með lélegan lás og pizza staðurinn var ekki með innri málin í lagi.  Stundum eru fyrirtæki hreinlega ekki nógu gegsæ og því eru viðskiptavinir með rangar væntingar til þeirra en í öðrum tilfellum er um þjónustubrot að ræða.   

Góðar sögur fá líka athygli á netinu.  Ekki þarf annað en að Googla ,,góð þjónusta“ til að lesa frásagnir fólks um góða þjónustu á Íslandi (330.000 leitarniðurstöður koma upp).   Undirritaður fékk  t.a.m. tölvupóst (sem sendur var á nokkuð stóran hóp) frá vin sem ætlaði að panta mat og láta senda sér frá Hamborgarabúllunni nýlega.  Hún hringdi þangað og ætlaði að láta senda sér mat heim með Food taxi sem stafsmaðurinn tilkynnti að væri því miður ekki starfandi lengur og því engin heimsendingarþjónusta í boði. Starfsmaðurinn á Búllunni sagði það þó ekki vandamál því hann ætti leið hjá þar sem hún bjó og bauðst til að koma við bara með matinn í leiðinni.  Önnur góð saga sem dreifðist á netinu var af Toyota.  Staðan á Facebook var einn vetrardag hjá nokkrum Facebook-urum að Toyota hefði verið búin að skafa snjóinn af bílunum þeirra þegar þeir fóru út þann morguninn.  Allir voru þeir auðvitað Toyota eigendur með fleiri hundruð vini á Facebook sem sáu skilaboðin.  Svona litlar sögur sem áður fyrr lifðu aðeins hjá viðskiptavinum og örfáum í kringum þá dreifast víðar og hraðar en nokkru sinni fyrr.  

Valdið er farið frá fyrirtækjunum til viðskiptavina.  Í þessum breytta heimi er samt einnig mikið sóknarfæri með því að fara örlítið framúr væntingum sem er besta leiðin til að hrífa viðskiptavini.  Ánægðir viðskiptavinir segja stundum frá upplifun sinni á netinu sem selur öðrum að koma í viðskipti.  Með tilkomu netsins verða neytendur í raun sterkasti fjölmiðillinn.  Fyrirtæki sem eru 100% gegnsæ, eru hreinskilin og segja af auðmýkt frá sinni hlið ef eitthvað misferst vinna traust.  Ef þau reyna fela eitthvað eða fegra kemst það alltaf upp fyrr eða síðar og ekkert fyrirtæki (frekar en einstaklingur) getur komið vel frá því að vera ,,nappað“ við eitthvað sem það á ekki að vera gera.  

Eins og í upphafi sagði eru nú allir á netinu.  Til að undirstrika það segjast nú 96% af íslendingum á aldrinum 16-35 ára og 79% af aldurshópnum 56-76 ára fara á netið einu sinni í viku eða oftar til að afla sér upplýsinga.   Fólk notar netið til að kynna sér vöruúrvalið sem er í boði, bera saman kosti og klárar þar yfirleitt allt nema kaupin sjálf.  81% af Íslendingum á aldrinum 13-29 ára eru nú á Facebook og næstum allir fara þangað einu sinni í viku eða oftar.  Rúmlega 75% af Íslendingum nota bankaþjónustu á netinu og nær allir skila skattaskýrslunni sinni þar.  Tæplega 40% af Net notendum í  Bandaríkjunum segjast ofgt miðla reynslu sinni af vörum og þjónustu á netinu.  Þetta er geysilega mikilvægt fyrir Íslensk fyrirtæki að hafa í huga því í dag lesa 73% af Íslendingum á aldrinum 16-35 ára og 50% á aldrinum 55-75 ára blogg einu sinni í viku eða oftar.  Að lokum hafa rannsóknir í Bandaríkjunum sýnt að 68% af neytendum eru líklegri til að trúa ráðleggingum annarra neytenda á netinu en skilaboðum í hefðbundnum miðlum.  Mikilvægi netsins er því nokkuð augljóst.  

Ert þú ein(n) af þeim markaðsstjórum sem er að drukkna í vinnu?

Hér eru nokkur ráð til að ráða ,,við overload" 

 

1. Settu þér skýr markmið og gerðu aðgerðaráætlun með tímalínu
2. Blockaðu" tíma í dagbókinni þinni á hverjum degi til að sinna mikilvægum verkefnum
3. Skipuleggðu verkefnin þín í ,,verð að gera", ,,ætti að gera", ,,gott að gera"
4. Miðlaðu verkefnum til annarra.  Listin er að gera það snemma, hafa verklýsinguna mjög skýra, og fylgstu með gangi mála snemma svo þú getir komið verkefnum  í réttan farveg strax ef þörf.
5. Kláraðu eitt verkefni í einu - ekki hoppa úr einu verkefni í annað
6. Það er mun skilvirkara að svara símtölum, tölvupóstum og sinna  venjubundnum verkum á ákveðnum fyrirfram ákveðnum tíma.  Að svara og ráðast í allt strax um leið og þau berast getur verið mikill tímaþjófur
7. Hafðu færri og skilvirkari fundi.  Oft er óþarfi að sitja allan fundinn, nóg að sitja bara þann hluta er varðar þig (eða fólkið þitt)
8. Óskipulag á skrifborðinu og tölvunni getur verið mikill tímaþjófur - rannsóknir hafa sýnt að óskipulag geti haft af fólki um 30 mín á hverum degi
9. Því betur sem þú getur sýnt fram á að þú og starfsmennirnir þínir séu að nota tímann sinn og bjargir vel, er líklegra að vel sé tekið í að fjölga starfsfólki eða björgum. 

 

ÍMARK með fund um Inspired by Iceland á þriðjudag - og 2 útlendinga í Október!

Á morgun verður Ímark með hörku skólastofu um Inspired by iceland herferðina.  Þar verður fjallað um hugmyndafræðina og árangurinn af þessari merkilegu herferð.

 

Það hefur mikið verið talað um hana í fjölmiðlum en það vantar yfirleitt slatta inn í myndina, því tel ég að fæstir geri sér grein fyrir því hversu viðamikil og margþætt hún var í raun.  Dóra hjá Höfuðborgarstofu, Inga Íslandsstofu og Árni Gunnars formaður SAF verða með erindi. 

 

Skólastofan er í Endurmenntun HÍ, kl 9.00 - 10.30. Nánari upplýsingar eru inni á www.imark.is

 

Framundan eru svo hörku viðburðir hjá ÍMARK.  Matt Bamford-Bowes er einn færasti social media snillingur Bretlands og starfar fyrir Brooklyn Brothers. Hann mun fjalla um tækifærin í samfélagsmiðlunum út frá strategískum pælingum.  Matt mætir 7 október. 

 

Alistair MacCallum, Managing Director yfir birtingarhúsinu M2M (sem er í eigum OMD) í Bretlandi, fjallar um birtingarmál út frá trendum og hugmyndafræðinni sem M2M/OMD vinnur eftir.  Alistair verður hjá Ímark 29. október.   

 

Síðast en ekki síst verður svo heimsókn í Bjórskólann hjá Ölgerðinni í október...fullt af skemmtilegum "eventum" framundan. 

Markaðssetning á netinu / Vefborðar

Í dag er næsta námskeið í Markaðssetningu á netinu hjá mér og Kristjáni.  Það hefur verið gaman að fylgjast með árangri margra sem hafa sótt námskeiðin hjá okkur.  Sumir hafa náð undraverðum árangri á Google aðrir búnir að kúvenda hvernig þeir nota vefborða og aðrir farnir að mæla vefinn sinn mun betur og með því auka sölu.

Á námskeiðinu í dag koma Gunnar frá Vaktarinn.is og Garðar frá Frettabref.is og verða með stuttar kynningar.  Mjög áhugavert að heyra hvernig og hvaða árangri þeirra kúnnar hafa verið að ná með lausnirnar.

Í síðustu viku voru þrjú ný námskeið sett í sölu, tvö í okt (7 og 21) og eitt í nóvember.  Við breyttum einnig fyrirkomulaginu örlítið.  Námskeiðin voru stytt örlítið svo þau séu eitt kvöld eftir vinnu á virkum degi en við það gátum við lækkað verðið örlítið.

Allar nánari upplýsingar um námskeiðin er inn á www.online.is 

- - -

Við höfum verið í mikilli tilraunastarfsemi með vefborðana sem við keyrum fyrir námskeiðin okkar.  Frá því 19 ágúst höfum við skipt 15 sinnum um borða, en með stöðugum uppfærslum náum við að koma í veg fyrir ,,ware-out" og höldum heimsóknum á síðuna okkar stöðugum.  Um leið og heimsóknir byrja að dala skellum við nýjum inn en svo höfum við prófað okkur áfram með skilaboð/creatie líka. 

Einnig höfum við farið eftir 10 best practice reglunum úr bókinni Markaðssetning á netinu með miklum árangri.  Allir borðar frá okkur eru ein gif mynd sem hjálpar okkur að ná tveimur markmiðum

1. Skilaboðin eru öllum ljós strax.  Það þarf ekkert að bíða eða sjá nokkrar flettingar til að ná skilaboðunum.

2. iPhone og iPad notendur sjá ekki flash borða.  Þeir sjá hins vegar borðann okkar því hann er mjög létt .gif mynd.

Á næstu dögum fer ég betur í gegnum þetta ásamt því að sýna mælingarnar okkar

 

Hvernig mælir þú árangur markaðsstarfsins í þínu fyrirtæki.

Í júlí gerði Deloitte könnun í Bretlandi í samstarfið við CIM á því hvernig markaðsstjórar eru að meta árangur vinnu sinnar.

Niðurstaðan sýnir hlutfall markaðsstjóra sem notar neðangreinda mælikvarða 

• Customer Satisfaction = 70%
• Rate of customer acquisition = 60%
• Traditional media activity = 57%
• Customer Value and Profitability = 57%
• Cusomer retention = 54%
• KPI set for each initiative = 7%
• Consistent core strategic metric = 10%

Könnunin fór svo dýpra í alla mælikvarða og spurði hversu vel markaðsstjórarnir væru að standa sig við mælingarnar.  Þá kom í ljós að markaðsstjórar mæla yfirleitt það sem er auðvelt, en ekki það sem skiptir mestu máli