Ég fyrirlít rasisma!

Íslendingar eru fáranlega miklir rasistar.  Flestum finnst Íslendingar af einhverju leyti standa öðrum þjóðernum framar, sérstaklega löndum sem hafa verið frekar föst í fátækt og gengið illa (þróunarlöndin sem dæmi).

Það er mjög merkilegt af mörgum ástæðum. 

Svo ég reifi nú aðeins nokkrar, þá kom fyrsti landnámsmaðurinn til Íslands 874, Íslendingar eru því allir innflytjendur sjálfir en einangruðust vegna legu landsins. 

Það tók Ísland þúsund ár að verða 100.000.  Það var árið 1924/1925 sem við urðum 100.000, en það var á sama tíma að í fyrsta skiptið það voru fleiri steinhús á Íslandi en torfbæir!  Það er engin tilviljun að við urðum ekki fleiri fyrr en svona seint, óþrifnaður og fleira sem má tengja við fátækt og ólifnað má telja til sem ástæðu.  

Við bókstaflega komum úr moldarkofunum rétt fyrir miðja tuttugustu öldina!  Mjög fátítt var að fólk menntaði sig og samgöngur voru gríðarlega erfiðar en þjóðarframleiðsla landsins var rétt fyrir upphaf tuttugustu aldarinnar svipuð og í Congo í dag.  Ungbarnadauði var mun hærri en í Congo og krakkar um 13 ára aldur urðu full færir vinnumenn en flestir byrjuðu að vinna mun fyrr.

Krakkar byrjuðu að vinna ungir ekki því foreldrar voru vondir, heldur af því aukatekjurnar voru nauðsynlegar til að eiga ofan í sig og á.  Af hverju gagnrýnum við önnur lönd fyrir það sama?

 

 

Sér enginn vitfirringuna að við, af öllum þjóðum, sem erum svona nýupplýst og nýkomin inní siðmenninguna (bókstaflega) séu með svona attitude gagnvart útlendingum?

Ísland er Raufarhöfn alheimsins (eins og Ingjaldur Hannibalsson prófessor sagði eitt sinn við mig) og við eigum að taka öllum þjóðernum opnum örmum því af þeim getum við mikið lært!

Danmörk í júní

Allir hafa heyrt söguna um manninn sem dó í lestinni í New York og lá þar látinn í viku áður en hann var færður.  Sennilega hafa jafn margir heyrt söguna af ungu stelpunni sem var myrt fyrir framan blokk í París með fjölmarga íbúa úti glugga án þess nokkur gerði neitt.  Allir hugsuðu, það hlýtur einhver annar að gera eitthvað...en þar sem allir gerðu það gerði enginn neitt.  Stórborgar-mentalití í hnotskurn.  Maður er aldrei umkringdur jafn mikið af fólki en getur samt sem áður fundið fyrir einmannaleika sem verður varla toppaður.

Stórborgir þar sem milljónir manna búa á sama stað geta nefnilega verið alveg ótrúlega ópersónulegar.  Sem fæddur og uppalinn á Íslandi finnst mér þetta stórmerkilegt og tek þetta reglulega út með augnaráðskönnuninni.  Hún gengur sem sagt út á það að reyna ná augn-sambandi við einhverja, sérstaklega í underground-lestunum, og brosa þegar augnsambandi er náð.  Eitthvað sem Íslendingar upplifa mörgum sinnum á hverjum degi og allir sem búa í sveitahéruðum um alla Evrópu þekkja vel.

Í stórborgum er þessu ekki háttað svo.  Í dag fékk ég nokkrar útgáfur af svörum.  Ein sem leit upp og svo strax undan eins og ég væri einhver ógæfumaður.  Önnur sem hreinlega horfði á allt í kringum hausinn á mér en aldrei í augun og margir sem kíktu í augun og settu svo upp svip.  Þetta er alveg ótrúlega fyndið hvað fólk er passasamt að láta ekki ná tengingu við sig á þennan hátt.

Auðvitað er einhver ástæða fyrir því.  Það er allt í fólki hérna sem er langt frá því að vera eðlilegt.  Sakna þess samt að ganga framhjá fólki, ná augnsambandi og fá kannski smá bros.  Lítill og ómerkilegur hlutur sem örugglega enginn spáir í...en maðu saknar svo hér í London.

- - -

Í annað og mun skemmtilegra, ég keypti mér miða til Kaupmannahafnar í dag til að fara á tónleika Damien Rice með Erlu Dögg vinkonu minni.  Það verður farið út 23. júní og mikil tilhlökkun hérna megin.  Rólegir tónleikar örugglega en í topp félagsskap!  Ég var síðast í Danmörku 6 ára gamall og helsta minning er hræðslu gráturinn í draugahluta vaxmyndasafnsins!   Kaupmannahöfn á hins vegar að vera snilld svo ég hlakka mikið til.

Ungt fólk #2

Það hafa aldrei verið fleiri leiðir fyrir ungt fólk til að vera í sambandi við hvert annað.  Unga fólkið er bókstaflega alltaf í sambandi við vini sína.  Rannsóknir MTV hafa sýnt að því líður eins og það hafi verið yfirgefið (e. Withdrawal syndrome) ef það fær ekki textaskilaboð á að minnsta kosti tveggja klukkustunda fresti.  Þetta er áhugavert því fleiri rannsóknir hafa sýnt fram á að ungu fólki í dag hefur aldrei fundist það eins úr tengslum við samfélagið og nú.  IPodar og farsímar hafa sem dæmi ýtt undir að það einangri sig (MTV, 2006:2).  Þrátt fyrir að vera múraðri en allar fyrri kynslóðir hafa rannsóknir MTV sýnt fram á að þeim hafi aldrei liðið verr. Í Bretlandi hefur einn af hverjum tíu sem tilheyra kynslóðinni einhvern tímann hugleitt að svipta sig lífi.  Hægt er að leiða líkur að því að þrýstingi samfélagsins sé um að kenna.  Þar sem allir eru svo vel stæðir verða allir að eiga alla flottustu munina.  Þættir eins og American Idol hafa enn fremur ýtt undir þá trú unga fólksins að allt sé hægt og auðvelt að gera allt (MTV, 2006:1).  

Unga fólkið í dag menntar sig sem aldrei fyrr og aldrei hefur nokkur kynslóð ferðast jafn oft og víða um heiminn.  Nú er það bekkjarfélaginn sem er með hæstu einkunnirnar sem er mesti töffarinn, ekki aðalvillingurinn líkt og fyrir rúmum áratug.  Rannsóknir Nike og Pepsi hafa einnig sýnt fram á það að það ber ekki virðingu fyrir fullkomnun.  Fullkomnun er ekki til í þess augum og lítur það því frekar upp til fólks sem hefur auðsýnilega einhverja galla.  Fyrirmyndir þeirra eru ekki opinberar persónur eða stjórnmálamenn heldur fræga fólkið sem fjölmiðlar hafa búið til og halda áberandi.  Stjörnur sem hafa mikið þurft að hafa fyrir því að ná þeim árangri sem þær hafa náð eru þær sem mest er litið upp til.  Það skiptir unga fólkið einnig miklu máli að stjörnurnar gefi af sér og láti sig málefni heimsins varða.  Oprah og Angelina Joile eru góð dæmi um þetta þar sem þær hafa beitt sér fyrir málefnum þriðja heimsins og njóta ómældrar virðingar hjá kynslóðinni fyrir vikið. 

Speki

 

 “You need a detailed script to improvise”

Ingrid Begman Swedish film director (Service Leadership, Svafa p:221)

“It is not the strongest of the species that survive, nor the most intelligent, but the one most responsive to change.” 

Charles Darwin Radio Ink bls 26 7. feb 2006

 

 

World Class í Rússlandi

Þegar ég var að ferðast um Rússland í fyrra sá ég logo fyrir líkamsræktarstöð sem var mjög kunnuglegt.

ADMAP: Svörun við netauglýsingum

Það er verulega áhugaverð grein í nýjasta ADMAP (How users respond to Internet advertising) um það hvernig við bregðumst við net auglýsingum (bannerum).  Ef þú sérð banner auglýsingu sem þig langar að bregðast við hvað gerir þú?  Flestir myndu strax svara því til að þeir myndu smella á bannerinn en rannsóknir sýna að flestir eru ekki að gera það.

 

59% - fara á leitarvél og leita uppí vöru/þjónustu

29% - fara beint inná vefsvæði fyrirtækisins

26% - smella á bannerinn.

 

Mér þykja þetta áhugaverðar niðurstöður.  Ef netherferð er sett af stað (banner) verður í rauninni líka að verja miklum fjármunum í leitarvélar til að grípa þá viðskiptavini sem sjá auglýsinguna þegar þeir bregðast við henni.  Þannig þarf að borga tvisvar fyrir sama kúnnann, einu sinni fyrir bannerinn og einu sinni fyrir leitarvélina.  Fjöldi smella á bannerinn gefa þannig verri mynd af árangri auglýsingarinnar en raunin er .

 

Til að bæta gráu ofan á svart hefur fólk einnig tilhneigingu til að leita að mjög almennum orðum þegar farið er inná leitarvél eftir að hafa séð banner auglýsingu.  T.d. leitað að “MP3 spilurum” þegar auglýsing fyrir nýja Creative MP3 spilarann verður fyrir skynfærum viðskiptavinar.

Heimurinn batnandi fer

Ég er mikill skoðanabróðir Björn Lomborgs.

Hann er tölfræðingur sem fór að skoða bestu fáanlegar tölur um stöðu heimsins og komst að því að heimurinn batnandi fer...öfugt við það sem má halda af umræðunni

T.d. færir hann rök fyrir því að í stíðinu við Global Warming sé resource-um heimsins virkilega illa varið.

Sjá video:

http://www.hoover.org/publications/uk/2996211.html

TED - ideas that spread

Nú geta allir með netaðgang horft og hlusta á marga af mestu hugsuðum samtímans.

www.ted.com

Algjör snilld!

Baugur Group

Íslendingar gera sér held ég alveg grein fyrir því að Baugur group er orðið stórt fyrirtæki erlendis.  En ég held samt að þeir geri sér ekki almennilega grein fyrir því hversu rosalega stórt það er orðið.

 

 

Sem dæmi er ekkert retail fyrirtæki í UK með fleiri outlet en Baugur.

Samtals á Baugur hvorki meira né minna en 2973 verlanir í Bretlandi!

Taflan hér að ofan sýnir hvernig skiptingin er á milli verslunartegunda:

Róleg tónlist eykur sölu!

Vörumerki standa alltaf fyrir ákveðin karakter.  Lit, lúkk, lífsstíl ofl.  Þegar þau eru auglýst er gríðarlega mikilvægt að höfðað sé til allra skilningsvita í takt við karakter vörumerkisins.  Það verður að vera hip og kúl lag þegar Diesel vörumerkið auglýsir en klassískt þegar Lækjarbrekka gerir það.  Það er öllum augljóst af hverju.

 

Harley Davidson mótorhjólaframleiðandi er t.a.m. með einkaleyfi á vélarhlóðinu sem kemur frá motorhjólunum þeirra!  Benz bílaframleiðandinn (og fleiri reyndar) eyða milljónum á hverju ári í að finna rétta hljóðið þegar hurðunum á bílunum þeirra er skellt og margir fá einkaleyfi þegar "rétta" hljóðið er fundið.  Í bíl eins og Benz (og í raun hvaða vörumerki sem er) skiptir það auðvitað gríðarlega miklu máli að allt hljóð sem kemur frá bílnum sé í takt við þann karakter/gæði sem vörumerkið stendur fyrir.  Singapore flugfélagið hefur t.d. sína eigin lykt af handþurrkum, ákveðna tónlist í vélunum sínum, búninga, liti og ráða starfsfólk eftir því.  Konur mega ekki vera í sambandi og bara ein stærð af búningum eru í boði, passar ekki í hann þá vinnur þú ekki hjá þeim. Þó þeir gangi of langt í þessu að flestra mati stuðla allir þessir snertifletir kúnnans við vörumerkið að því að skapa einhverja heildarupplifun sem nota bene er ALLTAF eins.  Þú veist alltaf að hverju þú gengur.

 

Það er meira að segja til “nýja bíla lykt”!  Það er að segja, ilmvatn sem framleiðendur sprauta á innréttingarnar á nýjum bílum sem gefur þessa frábæru lykt er öllum finnst innan í nýjum bílum.  Hún endist yfirleitt í 6 vikur eða svo og gefur stoltum eiganda ákveðna upplifun.

 

Öll framsækin fyrirtæki og öflug vita að það verður að örva öll skilningsvitin í viðskiptum við neytendur.  Allt sem skynfærin okkar geta numið þegar við eigum viðskipti við fyrirtæki hefur áhrif á heildarupplifunina.

 

Í nýlegu The Economist (April 28) var talað um mikilvægi hljóðs í viðskiptum og hversu mikil áhrif þau geta haft á neytendur.  BAA sem á flugvelli í UK hefur gert tilraunir með tónlist á Glasgow flugvelli.  Fyrirtækið prófaði nýlega í 6 vikur að keyra umhverfishljóð með fuglasöngi og sjávarhljóðum á flugvellinum.  Með því að mæla verslun með þessari umhverfistónlist og svo þeirri tónlist sem var venjulega komst BAA að því að sala fór upp um 10% þegar afslappandi umhverfistónlistin var í gangi!

 

Það er þekkt að matsölustaðir geta stytt þann tíma sem fólk situr og borðar með því að spila hraða tónlist og róleg tónlist hefur öfug áhrif. Kannanir hafa einnig sýnt að róleg tónlist lætur fólk eyða meiri tíma í verslunum og bein orsakatengsl hafa verið fundin við aukin viðskipti þegar tónlistin er rólegri (meira afslappandi).

 

Eftir að hafa farið frekar víða og þá í tískuvöruverslanir í mörgum löndum hef ég tekið eftir því að allar reyna að vera með einhverskonar danstónlist í gangi til að vera hip og kúl.  Þetta er alveg alrangt og getur skv. rannsóknum komið niður á tekjunum þeirra.  Verslun sem veltir 100 milljónum getur orðið af 10 milljónum á ári með vitlausann geisladisk í gærjunum!  Það þarf ekki að vera stílbrot að vera með rólegri tónlist, bara finna réttu tónlistina sem passar karakternum.

 

Hver segir að markaðsfólk geti ekki haft áhrif á neyslu?!

 - - -  

Er annars á Faro flugvelli í Portugal á leið til London, svo verður ferðinni heitið til Íslands í kvöld. 

 

Miðlar og auglýsingatekjur

Margir kollegar mínir hafa kvartað yfir því að íslenskar auglýsingastofur og markaðsstjórar hafi ekki hugmynd um hvernig eigi að nota netið sem miðil.  Auglýsingamarkaðurinn í Englandi er sennilega einn sá þroskaðasti í heiminum og hér skiptir netið miklu máli og verður mikilvægari og mikilvægari miðill með hverjum mánuðinum sem líður.

Ég hef verið að velta þessu fyrir mér, sú átt sem Bretland er að fara í í net auglýsingum á bara ekki við á Íslandi.  Google, affiliate marketing o.s.frv.  Íslands markaður er svo litill að það er óþarfi...hvað stendur þá eftir á netinu?  Hendi einn færslu hér fljótlega með ýmsu sem ég hef verið að spá í en annað en presencinn á netinu, upplýsingagjöf og gátt til að eiga samskipti við viðskiptavinina þína finnst mér netið ekki eiga mjög marga sterka punkta á Íslandi...og þó.

Hvernig skiptast auglýsingatekjur á miðla í UK síðustu ár? Kemur eitthvað á óvart?

 Dagblöð, tímarit hafa lækkað mikið Útvarp sömuleiðis eitthvað aðeins.  Ég er reyndar á því að útvarp sé dauður auglýsingamiðill innan nokkra ára.  Þegar netið verður komið út um allt og FM957 keppir við Capital Radio í UK og Kiss í US eiga ekki allir eftir að hætta að hlusta á FM957, bara mjög margir.  Minni og dreifðari hlustun, minni auglýsingatekjur, minna hægt að skapa og gera.

Útvarp er nefnilega bara að spila lög, það er ekkert content að verða til þar sem er áhugavert.  Í dag skiptir content ÖLLU máli!  Á FM957 er það t.d. bara einn þáttur, Zúber þar sem verið er að búa eitthvað til..en samt er meiri tónlist í honum en tal. 

Dagblöð eru líka að missa marks og reyndar tímarit líka, lestrartölur fyrir bæði eru að dala og auglýsingatekjurnar fylgja með. 

- - -

Föstudagsblogg

Ég er á Algarve í Portugal þegar þetta er skrifað.  Veðrið frábært en ástæðan fyrir veru minni hér er vinna svo dagskráin er frekar þétt, fer til Íslands á sunnudaginn og svo London aftur á miðvikudaginn.

 

Hingað hef ég komið einu sinni áður fyrir mörgum árum.  Þá með leiguflugvél með úrvali útsýn ef ég man rétt.  Þá lenti ég, á leiðinni heim, í versta flugi sem ég hef nokkurn tímann lent í.  Sat í öftustu röð í vélinni (spænsk flugfélag) og því ekki hægt að halla sætunum aftur.  Í kringum mig voru allt krakkar sem voru til skiptis grátandi, öskrandi eða annað þvíumlíkt sem myndaði gríðarlega mikinn hávaða.  Þetta tvennt hefði verið alveg nóg í góða kvörtun, það sem bætti hins vegar gráu ofan á svart er að 2 amk af krökkunum voru veikir í maganum og ráku við alla leiðina svo það var bókstaflega ÓLÍFT í vélinni!

 

Hræðilegasta flugreynsla sem ég hef lent í!

 

Á mánudaginn síðasta kláraði ég Markaðsfræði II, Service Leadership áfanga í MBA náminu.  Mjög áhugaverður og hagnýtur...mæli með bókinni eftir Svöfu Service Leadership sem er kennd í honum.  Fanta góð!

 

Nú er bara einn áfangi í MBA gráðuna, Fjármál Fyrirtækja.  Er að sækja tíma á Íslandi á mánudagskvöldum næstu vikur...en lokaprófið í honum er í byrjun Júní en þá byrjar maður að taka sumarfrí.

 

Það sem er komið:

 

• Dagsferð til Grænlands
• Hestaferð með Íshestum
• Business class til Suður Afríku (sennilega áfram þaðan Norður yfir landamærin)
• Business class til Tælands (sennilega áfram þar til amk Kambótíu)

 

Skemmtilegt sumar framundan!

Ungt fólk í dag

Ég lauk nýlega við lokaritgerð fyrir Meistaranámið sem ég legg stund á við HÍ.  Ritgerðin tók á ungu fólki: neyslu, lífsstíl ofl. Útgangspunkturinn var að búa til heilsteypta mynd af markhópnum 16 til 25 ára fyrir markaðsstjóra sem eru að reyna fanga hugi þeirra.

Af hverju valdi ég þennan hóp?

16-25 ára hópurinn er gríðarlega mikilvægur því hann hefur áhrif á kaup langt umfram eigin neyslu og kaupgetu.  Í raun trendsetter fyrir bæði yngra fólk og eldra.  Það eru nefnilega tvö mjög sterk trend í gangi í heiminum.  Fyrst er það Kids grow old younger og hitt er Adults stay younger longer. 

Með öðrum orðum vilja krakkar verða fullorðnir fyrr.  Á sama tíma vilja þeir sem eldri eru sífellt vera ungir lengur og haga neyslu sinni að miklu leyti eftir þessum kjarnaaldri.

Virgin Mobile, Nike, Timberland og MTV hafa öll hagað markaðsstarfi sínu fyrir þennan hóp en náð geysilegum árangri hjá bæði yngri og eldri einstaklingum.  Margir markaðsstjórar halda að með því að fókusera á t.d. þennan hóp að þeir útiloki alla aðra.  Það er auðvitað al rangt, ekki bara vegna þessarra trenda heldur einnig vegna þess að þó karakter einkenni brandsins og markaðsstarf sé sniðið að þessum hópi eru auðvitað allir hópar mögulegir viðskiptavinir.   

,,One Size fits nobody" in particular sagði Henry Ford, en það er einmitt kjarninn.  Varan verður alveg litlaus og þóknast í raun engum ef hún hefur ekki með mjög skilgreindan markhóp og karakter.  Með öðrum orðum, hún verður að standa fyrir eitthvað...einhver gildi einhverja tilfinningu.

Nóg um það, en ég gerði mjög mikið af rannsóknum á þessum hóp fyrir ritgerðarskrifin og ætla birta öðru hverju áhugaverðar niðurstöður úr þeim hér á næstunni.

Hér er að finna MSN og Blog notkun hópsins.  Magnað hvað þessi tvo samskipta/tjáningarform hafa náð sterkt til hópsins. Af hverju eru ekki fleiri íslensk fyrirtæki að búa til MSN-broskalla sem eru fyndnir og fólk sendir á milli, af hverju eru ekki fleiri fyrirtæki að búa til sniðugar virar herferðir sem byggja á því að fólk bloggi um leik eða eitthvað álíka?  Hér eru fullt af tækifærum sem engin hefur nýtt sér ennþá á Íslandi.

 

Besta þróunaraðstoðin? Frjáls viðskipti!

,,If developing world governments reduced import tariffs and increased international trade, their poorest citizens would benefit directly.

The World Bank estimates that if all countries were tariff-free, income around the globe would increase by $832 billion as a result of increased trade in all goods.

Most of these gains ($539 billion) would flow to developing countries."

South Africa's Free Market Foundation

Johan Norberg um framfarir heimsins...

Mankind has passed some significant milestones recently, which symbolise a changing world:

- During the second half of last year, China´s merchandise exports exceeded America´s.

- In the first three months this year, Toyota became the world´s biggest carmaker, pushing General Motors down to second place, after 76 years in first place.

- Last year, the emerging economies´ share of world GDP was bigger than the developed countries´ share.

- The World Bank recently estimated that the number of people in extreme poverty dropped below one billion.

- For the first time ever, the urban population worldwide is bigger than the rural.

- For the first time, more people worldwide work in the service sector than in agriculture (the biggest employer the last 10,000 years).

Meira um þjónustubresti

Matvöruverslun í USA sem gaf sig út fyrir að vera ávalt með ferska ávexti lenti í því að fastakúnni verslar þar epli til að nota í veislu seinna um kvöldið.  Hann kemst hins vegar að því þegar heim er komið að eplin eru ónýt.  Kúnninn strunsar niðrí búð aftur og talar við fyrsta starfsmanninn sem hann sér.  Starfsmaðurinn hafði nýlokið við rifrildi við kærustuna sína og lét það heldur betur bitna á viðskiptavininum sem fékk eplin ekki bætt fyrr en eftir langt rifrildi.

 

Atvikið komst í verslunarstjórann eftir að kúnninn hafði rokið út en þessu var fylgt eftir.  Eftir aðeins 24 klst vissu 64 manns af atvikinu!

 

Segjum að helmingurinn hafi verið viðskiptavinir verslunarinnar (eða keðjunnar) og hver versli fyrir u.þ.b. 20þ kr á mánuði.  Verslunin varð með þessu af rúmlega 7,5 milljónum króna í tekjur á ári!

Nýtt blog heimili

Nú er ég búinn að skipta um umhverfi. 

Á næstu dögum mun ég flytja það sem mér þykir áhugaverðast af gamla vettvangi mínum á netinu hingað svo færslurnar verða blanda af nýjum og eldri áhugaverðum rannsóknum og vangaveltum.

 

Hafa ritstjórnarstefnur blaða áhrif á virkni auglýsinga?

Auglýsendur á Íslandi taka oft ákvarðanir um að auglýsa ekki í ákveðnum miðlum (slúðurblöðum sem dæmi) ef ritstjórnarstefnan þar er þeim ekki að skapi. Þeir telja að trúverðugleiki auglýsinganna þeirra sé lakari í slíkum miðlum en öðrum.
Er auglýsingin þín trúverðugri í National Enquirer en People?

Í rannsókn Valentine Appel Editorial Environment and Advertising Effectiveness sem birtist í Journal of Advertising Reseach des 2000 komst höfundur að því að trúverðugleiki sé ekki minni í slíkum blöðum á meðal lesenda þeirra. Með öðrum orðum, ritstjórnarstefna blaðsins hefur engin áhrif á viðhorf lesenda þess á auglýsta vöru.

Í stuttu máli, á meðal lesenda National Enquirer nýtur auglýsing sama trúverðugleika og í People. Þeir sem lesa hins vegar ekki National Enquirer höfðu ekki sömu trú á auglýsingunni í rannsókninni. Það skiptir auglýsendur auðvitað litlu því þeir sjá ekki auglýsinguna í miðlinum hvort eð er, þar sem þeir lesa aldrei blaðið.

Ef við heimfærum yfir á Ísland eru engar vísbendingar sem benda til þess að GK vörumerkið eigi eitthvað síður heima í DV en Blaðinu. Í báðum miðlum nær auglýsingin sömu hughrifum á meðal lesenda miðlanna. Dekkun þeirra og snertiverð er þá það sem eftir stendur.

Geta auglýsingar haft áhrif á virkni vöru?

Í Journal of Marketing Research fyrir nokkrum árum var gerð könnun á orkudrykkjum og áhrif af neyslu þeirra. Neysla orkudrykkja hefur líkamleg áhrif, eykur blóðþrýsting. Það er því auðvelt að kanna hversu vel neysla þerra hefur áhrif á neytendur.Í stuttu máli voru nokkrir hópar, hluti fékk orkudrykk með virkum efnum (líkt og Bomba og Magic) aðrir drykk með engum virkum efnum. Öllum hópum var sagt að þeir væru að drekka orkudrykki.

Blóðþrýstingurinn hjá þeim sem drukku drykkinn með engum "orkuefnum" jókst jafn mikið og hjá þeim sem drukku orkudrykk í raun og veru. Ef hóparnir trúðu því að orkudrykkir myndu auka blóðsþrýstinginn, sama hvort þeir drukku orkudrykk eða drykk sem var með engum virku "orkuefnum", þá jókst blóðþrýstingurinn hjá þeim.Með orðum orðum, markaðsherferðir geta haft áhrif á eiginleika vöru!

Á maður ekki að delja of lengi við hlutina?

Magnað hvernig við tökum oft ákvarðanir. Á sekúndubrotum veit maður oft hvora leiðina maður vill fara en það er ómögulegt að skýra útaf hverju maður er svona viss. Þegar við stöndum frammi fyrir einhverri vöru eða kynnumst einhverjum nýjum þá oft vitum við hreinlega strax hvort okkur líkar við einstaklinginn eða vöruna.

Þegar maður var í skóla vissi maður sem dæmi strax hvort manni líkaði við kennara eða ekki. Það tók ekki heila önn, ár eða marga tíma með honum. Af hverju er ég að pæla í þessu? Ég var að byrja á bók, Blink, sem er frá sama höfundi og The Tipping Point sem er alveg frábær.

Það hefur verið gerð rannsókn á þessu, sem talað er um í Blink, þar sem nemendur fengu þrjú 10 sec. videomyndbönd af kennurum með engu hljóði. Enginn af nemendunum átti erfitt með að gera upp hug sinn varðandi kennarann, hversu góðir eða slæmir þeir voru. Þegar myndböndin voru stytt í 5 sec. hafði það engin áhrif, útkoman var sú sama. Meira að segja þegar myndböndin voru stytt niður í 2 sec. voru niðurstöðurnar ótrúlega líkar!

Þegar sömu kennarar voru metnir af nemendum sem höfðu setið heila önn með þeim voru niðurstöðurnar þær sömu! Það er hreint ótrúlega magnað hvað undirmeðvitundin okkar er öflug! Samt er það viðtekin venja hjá okkur að við eigum aldrei að dæma bók af umbúðunum, hugsa áður en við tökum ákvarðanir...safna eins miklu upplýsingum áður en við förum af stað og svo framvegis!

Mér finnst þetta áhugavert sérstaklega með tilliti til spjalls sem ég heyrði af við Björgólf. Einn sem ég kannast við spjallaði við hann og fór að spyrja hvernig hann færi að því að ná svona miklum árangri í fjárfestingum sínum. Björgólfur svaraði því til að hann dveldi ekki of lengi við hlutina og væri ekki að velta þeim of mikið fyrir sér. ,,Það borgar sig ekki að eyða of miklum tíma í ákvarðanir, það er miklu öflugra að láta bara vaða ef maður hefur góða tilfinningu fyrir þeim.”

Ég er búinn að vera 6 ár í háskóla þar sem ég hef verið formataður á því að stoppa, gefa sér góðan tíma og velta hlutunum nógu vel fyrir sér með öllum tiltækum upplýsingum áður en vaðið er af stað. Eftir 6 ár er ég samt ennþá frekar ör og veð frekar fljótt í hlutina...ætti ég þá nokkuð að breyta því?