10 stærstu auglýsendurnir í sjónvarpi og prenti 2009

Í fréttabréfi ABS var í vikunni listi yfir stærstu auglýsendur á Íslandi í sjónvarpi og prenti.

Ekki mikið óvænt, bankarnir horfnir en markaðssetning þeirra hefur dregist mikið saman.  Aðrir eru svona flestir the usual suspects, fyrir utan kannski Rekkjuna, Nóa Síríus en svo finnst mér áhugavert hvað Forlagið er stórt! 

Markaðssetning á netinu – námskeið fyrir félagsmenn SAF

Samtök ferðaþjónustunnar munu bjóða upp á námskeið í markaðssetningu á netinu byggt á samnefndri bók sem var að koma út í samstarfi við Nordic eMarketing. Fyrirlesarar eru Guðmundur Arnar markaðsstjóri hjá Icelandair og Kristján Már eigandi Nordic eMarketing.

 

Um hvað snýst námskeiðið?

Farið verður yfir helstu samskiptaleiðir netsins á hagnýtan hátt  með áherslu á ferðaþjónustu og hvernig samskiptaleiðir netsins geta skapað til miklar tekjur.  Markmiðið er að þátttakendur öðlist þekkingu sem nýtist þeim strax í starfi. 

Kennslan byggir á bókinni „Markaðssetning á netinu“ en bókin er jafnframt innifalin í þátttökugjaldi námskeiðsins.

Dagsetning , lengd námskeiðsins og innihald

Um er að ræða rúmlega 5 klst. námskeið sem stendur frá kl. 13:00 – 18:00  þann 20. janúar nk. í Borgartúni 35, 6. Hæð.  Helstu þættir:

– Netið, breytingar og tækifæri  – staðan í dag

 – Vefborðar

– Leitarvélar

 – Samfélagsmiðlar

 – Kaffi, smá pása og spjall

 – Tölvupóstar

 - Vefgreiningartól

 

Um bókina sem er innifalin í námskeiðinu á kynningarverði til SAF félaga:

Bókin „ Markaðssetning á netinu“ hefur það að leiðarljósi að vera hagnýt verkfærakista fyrir íslenskt markaðsfólk sem er eða vill byrja að nota netið í sínu markaðsstarfi. Í henni er fjallað um allar helstu samskiptaleiðir netsins.  Bókin er jafnframt full af nýjum innlendum og erlendum rannsóknum um notkun fólks á netinu og hvernig ná má hámarksárangri.  Ennfremur eru í bókinni fjölmagar íslenskar dæmisögur og tölur sem íslenskt markaðsfólk getur nýtt sér í daglegu störfum.

Í dag er allt markaðsstarf meira og minna unnið með netið í huga.  Bókin kynnir nýjar áður óbirtar rannsóknir sýna hversu langt Íslendingar hafa náð í notkun netsins.  Tækifæri íslenskra fyrirtækja eru því fjölmörg.

Eftir námskeiðið og lestur bókarinnar ætti fólk að vera mun betur upplýst um:

…þær breytingar sem orðið hafa á hegðun neytenda

…hið breytta umhverfi sem fyrirtæki og vörumerki starfa í 

…þau fjölmörgu tækifæri sem eru á netinu í dag og hægt er að nýta með litlum tilkostnaði

…hvernig ná má hámarksárangri með vefborðum

…hvernig ná má hámarksárangri með leitarvélum

…hvernig ná má hámarksárangri með samfélagsmiðlum (Facebook o.s.frv.)

…hvernig ná má hámarksárangri með tölvupóstum

…hvernig netið kemur inn í hefðbundnar birtingaáætlanir

…á hvern hátt vefgreiningartól virka og hvernig best er að nota þau

…og fleira og fleira!

Tilboð til félagsmanna SAF  og skráning:

Fullt verð er kr. 50.000,-  Tilboðsverð til félagsmanna SAF er kr. 34.900  og er bókin og öll námskeiðsgögn innifalin í verðinu.  Skráning á [e-mail] eða í síma 511 8000.

 

Auglýsingar - Áramótaauglýsing Icelandair 2009

Markaðssetning á netinu getur verið mjög snjöll, UPS að nota Augmented reality..

UPS notar Augmented reality til að hjálpa viðskiptavinum sínum að velja rétta kassastærð utan um það sem þeir þurfa að senda.

Myndbandið hér sýnir hvernig þetta snjalla tól þeirra virkar.

 

Kevin Keller um mikilvægi þess að halda í núverandi viðskiptavini

* Acquiring new customers can cost five times more than the costs involved in satisfying and retaining current customers.

* The average company loses 10 percent of its customers each year.

* A 5 percent reduction in the customer defection rate can increase profits by 25 percent to 85 percent, depending on the industry

* The customer profit rate tends to increase over the life of the retained customer.

Kevin Keller - Strategic Brand Management

 

 

Áhugavert myndband með umræðum um Samfélagsmiðlana

Samfélagsmiðlar snúast um samskipti. Þeir geta hjálpað fyrirtækjum sem eru orðin svolítið ópersónuleg við að fara í áttina að því að verða eins og kaupmaðurinn á horninu í gamla daga.  Það er hins vegar mikið af ranghugmyndum í gangi.  T.d. að allir forstjórar eigi að vera á samfélagsmiðlunum og svara öllum athugasemdum.

Fyrirtæki eru búin að gefa ákveðið þjónustuloforð með því að vera á samfélagsmiðlunum og verða því að uppfylla það...ef ekki hefur það neikvæð áhrif á vörumerkið.  Ef það er með blogg, verður að blogga reglulega og svara athugasemdum.  En ef bloggarinn veikist eða athugasemdin er óheppileg fyrir fyrirtækið?  Það er mikið af svona atriðum sem verður að vera búið að hugsa fyrir áður en af stað er farið! 

 

The Social Media Bubble Part 1 of 3from Hive Awardson Vimeo.

The Social Media Bubble Part 2 of 3from Hive Awardson Vimeo.

The Social Media Bubble Part 3 of 3from Hive Awardson Vimeo.

Gleðileg Jól

Langar að óska öllum sem fylgdust með blogginu mínu á árinu gleðilegra jóla og farsældar á komandi ári!

 

Facebook að rokka, Twitter ekki (enn?)

Á myndinni í síðustu færslu sést hvað Facebook er orðin vinsæll á meðal íslendinga 73% af íslendingum nota Facebook einu sinni í mánuði eða oftar.  Fyrir ári síðan var þessi tala undir 50%!  Þetta sýnir hvað hjörðin er fljótt að hoppa á nýja tækni!

Myspace og Twitter eru báðir notaðir af sára fáum, en þó Myspace af fleirum en Twitter ólíkt því sem ætla má af umræðunni.  Erlendis hefur Twitter verið í mikilli sókn svo líklega á vefurinn eftir að verða vinsælli á næstunni en þó ekkert sé víst í þeim efnum.  Myspace er hins vegar hægt og rólega að höfða til færri og færri.

Þessar tölur sína mikilvægi þess fyrir fyrirtæki að hugsa ekki um Facebook strategíu eða Twitter startegíu heldur samskipta strategíu.  Samskiptin verða að vera grunnurinn eins og við tölum um í bókinni okkar Markaðssetning á netinu.  Þar kynnum við POST líkanið sem hjálpar fyrirtækjum að nálgast samfélagsmiðlana svo árangur náist út frá samskiptunum sjálfum en tæknin er þar í aukahlutverki!

Notkun á vefmiðlum á Íslandi

Sé aðeins horft á dekkun að þá eru sumar vefsíður á Íslandi á meðal sterkustu fjölmiðlum landsins.  Vikuleg dekkun MBL.IS, JA.IS og VISI.IS er alveg geysilega há eins og myndin að neðan sýnir. 

 

Bókinni er hins vegar að ganga vonum framar.  Efnistökin eiga líka vel við markaðsfólk á Íslandi. 

Eftir lesturinn á fólk að vera mun betur upplýstar um:

• …þær breytingar sem hafa átt sér stað á neytendum
• …það breytta umhverfi sem fyrirtæki og vörumerki starfa nú við
• …þau mýmörgu tækifæri sem eru á netinu í dag sem hægt er að nýta með oft litlum tilkostnaði
• …hvernig hægt er að ná hámarks árangri með vefborðum
• …hvernig hægt er að ná hámarks árangri með leitarvélunum
• …hvernig hægt er að ná hámarks árangri með samfélagsmiðlunum (Facebook o.s.frv.)
• …hvernig hægt er að ná hámarks árangri með tölvupóstum
• …hvernig netið kemur inn í hefðbundnar birtingaáætlanir
• …hvernig vefgreiningartól virka og hvernig best er að nota þau
• …og fleira og fleira!

 

 

Bókin í Eymundsson

Þá er bókin Markaðssetning á netinu komin í Eymundsson verslanirnar!

Markaðssetning á netinu

Vefritið Pressan.is fjallar í kvöld um bókina okkar.

Fyrirlesturinn minn fyrir ÍMARK

Á þriðjudaginn í síðustu viku hélt ég fyrirlestur ásamt Bárði hjá Ratsjá fyrir skólastofu Ímark sem bar nafnið Markaðssetning á netinu.  Bárður hélt mjög áhugaverðan fyrirlestur um auglýsingar á netinu, birtingarmál o.fl.

Minn fyrirlestur fjallaði um samfélagsmiðlana og þá aðallega POST líkanið sem hjálpar fyrirtækjum að nálgast samfélagsmiðlana á skipulegan hátt svo hámarks árangri sé náð. Þessi aðferðafræði er svo kynnt mun dýpra í bókinni minni, Markaðssetning á netinu.  Kynninguna sem ég var með er hægt að nálgast hér.

Höfum við áhrif á hvort annað á samfélagsmiðlunum?

Í nýlegri rannsókn á samfélagsmiðlunum (Cyworld í Kóreu) kom í ljós að meðlimum vefjanna var hægt að skipta í þrennt eftir því hversu mikil áhrif vinir þeirra hafa á þá.

·         Low status group (48% af notendum) eru ekki vel tengdir og verða fyrir litlum sem engum áhrifum af því sem vinir í félagsnetinu þeirra eru að kaupa.

·         Middle status group (40% af notendum) eru meðal vel tengdir, sýna sterk jákvæð viðbrögð vegna kaupa vina í félagsnetinu þeirra og sýna hegðum sem höfundar kalla ,,keeping up with the Joneses.“  Að jafnaði jukust kaup þeirra um 5% vegna áhrifa frá kaupum vina.

·         High status group (12% af notendum) eru mjög vel tengdir og eru virkir á vefnum.  Þessi hópur dregur úr kaupum á því sem vinir þeirra eru að versla.  Þeir aðgreina sig með því að versla ekki það sama og vinir þeirra.  Áhrifin eru því næstum neikvæð um 14% á tekjur frá einstaklingum í þessum hóp

,,Do Friends influence Social Networks“ – Harvard Business School.

Af öðru að þá gengur salan á bókinni okkar, Markaðssetning á netinu, svakalega vel.  Í raun framar vonum og helmingur upplagsins hefur nú verið selt en við félagar erum mjög þakklátir fyrir frábærar viðtökur!

 

ÍMARK á þriðjudag

Á þriðjudaginn munum við félagar koma fram á Skólastofu Ímark og fjalla stutt um bókina en verja mestum tíma í að kenna markaðsfólki hvernig hægt er að nota samfélagsmiðla við markaðssamskipti.

Við vonumst til að sjá sem flesta!

 

 

Bókin Markaðssetning á netinu komin út!

 Bókina er hægt að kaupa hjá Bóksölu Stúdenta.

 

Ný könnun! Íslendingar versla öðruvísi núna!

Capacent gerði könnun í september á því hvernig við íslendingar höfum breytt kauphegðun okkar.  Niðurstöðurnar eru bæði sláandi og áhugaverðar.

 

 

Fyndin auglýsing úr Mogganum árið 1913

 

Tvær góðar um markaðssetningu á netinu

"As marketers, we usually dont approach our customers like we would approach a potential spouse, do we?  No, we‘re more like a drunken frat boy at thus first freshman mixer.  Most marketers approach customers and prospects more intent on the one-night stand than the long-term relationship.  We know its wrong...but we do it anyway."

"What is really funny to me is the fact that when you talk to organizations about what makes them differnt (worthy if you will) this answer always lands somewhere in the top three: our people.  So why do you hide your people behind the facade of a brand or an institution?  At the end of the day, people associate themselves with other people that they like.  Your constituents want to liek you and have a relationship with you."

Flugvélar // Markaðssetning á netinu

Ég verð alltaf svolítið eins og lítill strákur þegar ég kem í flugskýlið hjá ITS og sé vélarnar okkar.  Það er eitthvað bara svo magnað við þessa klumpa sem geta skotist á milli landa!  Tók þessar myndir í síðustu viku en þá vorum við að skoða litapallettur ofl. fyrir vélarnar okkar.  Vélin á myndunum var í c-skoðun og var að fá ný sæti og afþreyingarkerfi í leiðinni.

 

 - - -

Bókin Markaðssetning á netinu er nú komin í síðustu próförk en á mánudagsmorgun byrjar umbrotið.  Það er eiginlega hálf furðuleg tilhugsun að verkinu sé að ljúka eftir 11 mánaða vinnu!  En gaman hvað þetta er að ganga vel og allt á áætlun, útgáfa 1. des.

Skemmtileg saga sem sýnir afhverju öll fyrirtæki þurfa að faðma Social Media!