Facebook markaðssetning: Hvað græða íslensk fyrirtæki á að búa til FAN síðu?

Í bókinni okkar Markaðssetning á netinu förum við yfir 5 markmið fyrirtækja á samfélagsmiðlunum: Hlusta, Samtöl, Aðstoða, Hvetja og nýsköpun.  Allt hjálpar þetta svo aftur sölu. En hversu mikið?

Þetta með söluna hefur verið óljóst og fáar rannsóknir hafa geta lagt mat á hversu mikinn ábata fyrirtæki geta fengið með vettvangi á t.d. Facebook.  Í nýjasta tölublaði Harvard Business Review er áhugaverð grein eftir Utpal M. Dholakia og Emily Durham.  Þau gerðu könnun á bakaríi í Houston sem bjó til FAN síðu á Facebook og áhrifin á viðskiptavini voru mæld. 

Niðurstaðan:

- Að verða FAN bakarísins á Facebook hafði áhrif á kauphegðun

- Þeir sem urðu FAN, versluðu fyrir jafn mikið í hvert skipti en versluðu 20% oftar

- Komu af stað jákvæðu WOM

- Þeir sem urðu FANS gáfu bakaríinu stærsta hlutfall af sínu fjármagni sem það varði í að fara út að borða

- Þeir voru mun líklegri til að mæla með bakaríinu (NPS var 75 hjá FANS, 53 hjá Facebook notendum sem urðu ekki FANS en 66 hjá öðrum)

- Þeir sem urðu FANS höfðu mun meiri tilfinningaleg tengsl við bakaríið en aðrir

 

Þetta eru mjög áhugaverðar niðurstöður þó rannsakendurnir hafi sett smá fyrirvara við niðurstöðurnar.  Það sem kemur hins vegar á móti er að fáir af heildar viðskiptavinafjölda fyrirtækja verður Facebook FAN (í rannsókninni 2,1% af heildarviðskiptavinum).  Facebook fyrirtækjasíður eru því mikið niche tól, en getur sennilega verið mjög áhrifamikið!

Námskeið í markaðssetningu á netinu

Þá eru fjögur námskeið að baki.  Við félagarnir höfum nú verið á Ísafirði, Akureyri, Egilsstöðum og í Reykjavík.  Erum í Reykjavík aftur á morgun en svo er það Selfoss 8 mars.  Allar nánari upplýsingar um námskeiðin í markaðssetningu á netinu má finna hér.

Fyrirtæki í öllum geirum geta haft hag að því að nýta sér verkfærin á netinu við að koma skilaboðunum sínum á framfæri.  Dúkkulísur, rækjur, skartgripir, hugmyndir, fatnaður, flugferðir, hótelnætur, skoðunarferðir, fjármálastofnanir og aðdáendasíður eru á meðal þeirra vara sem fólkið á námskeiðunum hjá okkur er að selja. 

Bókin okkar er nú uppseld hjá okkur, en einhver örfá eintök eru til í einhverjum verslunum.  Við erum að reyna af miklum krafti að prenta nýtt upplag en námskeiðin eru jafnframt að ganga vonum framar. 

Ný sjónvarpsauglýsing frá ICELANDAIR

Mín Borg - Haraldur Civelek from Icelandair on Vimeo.

Í Kastljósinu í kvöld að tala um Markaðssetningu á netinu

Ég var í Kastljósinu á RÚV í kvöld að tala um námskeiðin okkar í Markaðssetningu á netinu.   Það er ljóst að á netinu leynast mikil sóknarfæri fyrir alla sem eru með góðar vöru eða hugmynd...ef rétt er að staðið getur þekking á verkfærum netsins verið stökkpallurinn frá góðri vöru/hugmynd yfir í arðbæran rekstur.

Viltu auka tekjurnar þínar mikið?

Við Kristján héldum vel lukkað námskeið úr bókinni okkar Markaðssetning á netinu á Egilsstöðum í gær.  Netið er sennilega hagkvæmasta leiðin fyrir stór sem smá fyrirtæki að koma sér á framfæri og selja, eða lækka kostnað og auka þjónustu.  Markaðssvæðið á netinu er allur heimurinn en einhver sem býr í New York, Tokyo og Hafnafirði eru allir í sömu fjarlægð frá fyrirtækinu þínu.

Sjáið t.d. þessar árangurssögur, fyrst þau geta það...getur þú það líka!

- Á Ísafirði er bókasafnsvörður sem er með heimasíðu um dúkkulísur.  Síðan er rosalega niche-a en þar sem markaðurinn á netinu er svo stór fær bókasafnsfræðingurinn gesti á síðuna sína frá öllum löndum heims sem skapar henni geysilega miklar tekjur (3 tekjuhæsti á Vestfjörðum núna).  Síðan fær 7 milljónir heimsókna í hverjum mánuði.

- Á Selfossi er annar hátekju íslendingur sem hefur hagnast á því að selja reykelsi á netinu.

- Þegar IKEA á Íslandi fór að hafa allt vöru úrvalið sitt í netverslun byrjaði verslunin auðvitað að selja slatta þar.  Það sem þeir sáu hins vegar ekki fyrir var mikil fækkun símtala þar sem fleiri svöruðu spurningum sínum með því að skoða vefverslunina.  Þannig mátti lækka kostnað við símavörslu mikið, en þjónusta fyrirtækisins jókst á sama tíma.

 

Það eru mikil tækifæri á netinu ef rétt er að málum staðið.  Á námskeiðinu förum við yfir öll helstu verkfærin fyrir fyrirtæki til að koma sínum vörum á framfæri og þar með auka tekjur mikið!  Við verðum á Ísafirði, Akureyri og svo í Reykjavík næst en skráning getur vel.

 

Mjögn fyndin Heineken auglýsing

Markaðssetning á netinu - Námskeið

Námskeið í markaðssetningu á netinu

Ég í sjónvarpsviðtali á INN að ræða um Markaðssetningu á netinu

Alkemistinn - Þáttur um markaðsmál á INN. Fyrsti þáttur

Gestir þáttarins eru Friðrik Eysteinsson og Kristján Már Hauksson.

Námskeið í markaðssetningu á netinu

Við Kristján Már erum að fara af stað með röð af námskeiðum í Markaðssetningu á netinu á næstu vikum.  Námskeiðin eru 4 klst löng og unnin í samvinnu við Útflutningsráð Íslands, MBL.IS, Póstinn og Valitor. 

Við hefjum leikinn á Egilsstöðum 13 febrúar, 19. febrúar á Egilsstöðum, 22. febrúar á Akureyri og 23. febrúar í Reykjavík.

Allar nánari upplýsingar á Online.is. 

Haíti fær styrki útaf markaðssamskiptunum.

Það hefur ekkert að gera með mannfallið, börnin sem eru illa farin né fólkið sem var jarðað lifandi hversu mikið hefur safnast fyrir Haíti.  Álíka atburðir hafa verið að gerast og gerst víða undanfarin ár án þess að vesturlönd hafi verið að leggja eitthvað eða mikið af mörkum. 

Munurinn? Gríðarlega mikil umfjöllun í fjölmiðlum, m.ö.o. markaðssamskipti!  Í USA söfnuðust $560 milljónir dollara á 17 dögum!

Samt mega góðgerðasamtök yfirleitt auglýsa mjög takmarkað!  Þetta er staðan þrátt fyrir að hver króna fjárfest í markaðssamskipti getur skilað margföldum styrkjum.  Í US er talað um að um 2% af GDP fari í góðgerðarmál.  Ef þessi tala myndi aukast í t.d. 3%?

David Ogilvy sagði eitt sinn "try launching a new brand of detergent with a war chest of less than $10,000,000."  Staðreyndin er sú að þau verkefni sem ná í gegn eru þau sem fá mikið af styrkjum.  Ef ekki skapast svona "moment" fyrir góðgerðarmál eins og Haíti verður að beita öðrum leiðum í verkfærakistu markaðsmanna! 

Nýr íslenskur sjónvarpsþáttur um markaðsmál

Viðar Garðarsson er umsjónarmaður nýs þáttar á INN um markaðasmál.

Fyrsti þáttur var í vikunni sem leið en hægt er að horfa á hann inná inntv.is

Af hverju hitta Steve Jobs og Apple alltaf í mark?

Í fyrsta lagi er hann mikill markaðsmaður og skilur hvað vörumerkjauppbygging er mikilvæg.

 Í öðru lagi vinnur Apple eftir tilvitnuninni í hann hér að neðan (eins og markaðsfyrirtæki gera):

"You've got to start with the customer experience and work back towards the technology - no the other way around"  Steve jobs

Ísbjörninn var skotinn og markaðstækifæri fyrir Polar Beer opnaðist! :)

Morgunblaðið í dag - Bókin Markaðssetning á netinu

Í Morgunblaðinu í dag er fylgirit um tækifærin á netinu.  Við félagarnir gáfum út bókina Markaðssetningu á netinu í byrjun desember á síðasta ári en í blaðinu er viðtal við okkur.

Nú þegar höfum við heyrt í fyrirtækjum sem hafa hagnast á því að byrja nota ráðleggingar okkar í bókinni, við erum því sannfærðir um að fáar bækur gefa betra ROI!:)

Bókina er hægt að kaupa hjá Bóksölu stúdenta, Mál og Menningu og í öllum Eymundsson verslununum.

Handboltalandsliðið og Icelandair

Icelandair hefur stutt Handboltasamband Íslands (og þ.a.l. Landsliðið í handbolta) í yfir 50 ár.  Núna í kringum Evrópumótið fór fyrirtækið aftur af stað með herferðina Í blíðu og stríðu.   Í raun er Í blíðu og stríðu regnhlíf yfir íþróttastuðning Icelandair og vettvangur þar sem Icelandair gerir þjóðinni kleift að senda keppendum stuðningskveðjur.  Á IBS.IS er hægt að sjá viðtöl, fréttir og myndbönd af strákunum á milli leikjanna og fá þannig svolítið öðruvísi sýn á liðið.  Auðun Blöndal er svo með þátt á www.ibs.is þar sem hann lýsir leikjunum, grínast og gefur flugferðir á meðan á leikjunum stendur.  Hann fær einnig gesti í heimsókn eins og Pétur Jóhann, Gilz ofl.

Árangurinn hefur ekki látið á sér standa...yfir 1000 video kveðjur hafa nú verið sendar og annað eins af textakveðjum.  Það skemmtilega við þær er að strákarnir skoða þær daglega úti í Austurríki og er þeim mikil hvatning! Kveðjan hennar Rebekku var valin fyrsta besta kveðjan og fékk hún að launum ferð fyrir 2 til Evrópu með Icelandair...en fleiri vinna, svo það er ennþá tækifæri!

Um 30.000 íslendingar hafa verið að horfa á útsendingarnar hjá Audda á meðan á leikjunum stendur, frábær árangur og skemmtilegt verkefni.

Bónus, Krónan og verð

Fyrir um sex árum, þegar ég var í stjórn Frjálshyggjufélagsins, skrifaði ég grein um það hvað samskeppniseftirlitið væri í raun óþarft.  Verðsamráð gæti átt sér stað án þess að menn væru að hittast í Öskjuhlíðinni.

Í Krónunni í vikunni var ég minntur á þetta.  Myndin að neðan sýnir útsendara Bónus sem fer allan daginn á milli verslana og gerir verðsamanburð í tölvu sem sendir gögnin strax beint í upplýsingakerfi Bónus. Framkvæmdastjórar fyrirtækjanna tveggja þurfa því ekki að hittast, heldur senda þeir bara merkjasendingar til hvors annars með verðbreytingum - þeir læra á hvorn annan - og að lokum eru þeir farnir að vita nákvæmlega hvernig hinn hagar verðunum hjá sér ef einhverjar breytingar verða í umhverfinu (kostn. á innflutning etc). 

Þannig geta þeir, ef þeir kjósa svo, haldið verðum hærri (og auðvitað lægri) án þess að funda um það.

 

 

Google ætlar sér stóra hluti í farsímum - markaðsfólk verður að sjá þetta!

Kevin Keller á leið til Íslands - Uppbygging vörumerkjavirðis

Einn fremsti vörumerkjagúrú Bandaríkjanna kemur til Íslands í mars og verður með work-shop á Markaðsdegi Ímark.

Bækurnar hans Strategic Brand Management og Marketing Management (sem hann skrifar með Kotler) eru kenndar í öllum háskólunum hér heima og eru þær vinsælustu erlendis.

Það má með sanni segja að það sé hvalreki að fá hann til landsins!  Keller verður á landinu 5 mars og það borgar sig að skrá sig snemma til að fá sæti!

Á heimasíðu Ímark er að finna nánari upplýsingar um Keller og viðburðinn: 

http://www.imark.is/Forsida/Vidburdir/Islenski-markadsdagurinn

Samfélagsmiðlar og Obama - markaðssetning á netinu

Í bókinni okkar, Markaðssetning á netinu, fjöllum við um fimm markmið samfélagsmiðla.  Með þeim er hægt að hlusta, eiga samtöl, aðstoða, hvetja og fá hugmyndir (nýsköpun).

Obama notaði samfélagsmiðla mikið í markaðsherferðinni fyrir forsetakosningarnar.  Til að einfalda má eiginlega segja að tvö trix hafi gert honum mest gagn.

#1 Rúmlega 13 milljóna manna tölvupóstlisti sem sendur var á daglegur póstur frá Obama sjálfum og stundum öðrum áhrifamiklum stuðningsmönnum.

#2 Hitt var að hann bjó til efni og leiðir fyrir þá sem fylgdu honum til að miðla boðskapnum á netinu svo það yrðu þeir sem myndu snúa þeim sem ekki fylgdu honum eða voru ósannfærðir. Þannig náði hann að gefa milljónum manna sem fylgdu honum smá ,,ownership" í herferðinni sem gerði það að verkum að fólk var mun hvatvísara í baráttunni...því baráttan varð ,,þeirra" barátta!

Mér er mjög að skapi eftirfarandi tilvitnunin í hann, sem rammar vel inn trix #2:

 ,,Involve your converts, preach to undecideds.”