Við erum öll að multitaska í dag...

Samkvæmt nýjum rannsóknum í Bretlandi:

- 70% af Bretum fara á netið á meðan þeir horfa á sjónvarpið

- 27% Googla vörur sem þeir sjá í auglýsingatímum

- 49% eru ánægðir með heimasíður breskra fyrirtækja (upplýsingalega séð)

 

(AdMap, Mars '09)

Staðfestur útgáfudagur - 1 desember

Undanfarnar vikur hafa verið frekar brjálaðar.  Við Kristján Már erum búnir að vinna stíft að því að ljúka við bókina sem við höfum verið að vinna að um Markaðssetningu á Netinu.  Nú er það staðfest að hún verður komin í dreifingu 1 desember og verður formlega kynnt á ráðstefnu þann sama dag á vegum Ímark og Útflutningsráðs.  Segi betur frá henni síðar.

Þetta er búið að vera ferðalag frá því í janúar og eflaust nokkur hundruð klukkustundir í vinnu að baki!

Virkilega gaman að sjá svona fyrir endann á þessari miklu vinnu og ekki síst því bókin er fanta góð! :-) 

Íslendingar og netið árið 2009

Hagstofan birti nýlega uppfærðar tölur um notkun á netinu á Íslandi.  Það má segja að allir sem eru 44 ára og undir séu komnir á netið. 

Það er ekki fyrr en fyrirtæki vilja ná til 65-74 ára Íslendinga sem netið hrapar í dekkun en ef á heildina er litið eru 93% af íslendingum núna á netinu.  Hitt er svo annað mál að dekkun er ekki eini styrkleiki þess, heldur þessir einstöku samskiptamöguleikar sem fyrirtæki og fólk hefur þar.

 

Fundir framtíðarinnar ? :)

 

 

Að hafa plan er ekki nóg...

Markaðsfólk verður alltaf að vera búið undir það óvænta einsog Mike Tyson sagði:

 "Everybody's got a plan until they get punched in the face"

Ný auglýsingaherferð Icelandair

Fáir smella á auglýsingar á netinu

comScore kynnti nýlega áhugaverðar niðurstöður úr rannsókn um smelli á netinu:

- 84% smella að jafnaði aldrei á auglýsingar á netinu (per mánuð)

- 8% (helmingur þeirra 16% sem smella) eiga 85% af heildarsmellum.

Það er því ljóst að markaðsfólk sem reynir að hanna net auglýsingar svo þær fái flesta smelli eru að hanna auglýsingar fyrir þessi 16% en ekki 84% sem smella aldrei.

http://www.mediapost.com/publications/?fa=Articles.showArticle&art_aid=115210&lfe=1

Hvernig er notkun á Social Media að þróast - áhugaverðar tölur!

Þegar fyrirtæki fara á samfélagsvefina þurfa þau að vera nokkuð viss um hvað markhópurinn þeirra tekur mikinn þátt í þeim.  Nýjar tölur frá Forrester Research um notkun í US gefa áhugaverða mynd af bæði stöðunni hvað þátttöku varðar og þróun.

 

Summary:

• Sá hópur sem er að búa til efni á samfélagsvefjum stækkar aðeins
• Þeir sem eru að gagnrýna efni þar standa í stað
• Hópurinn sem fylgist með samfélagsvefjunum er orðin gríðarlega stór og stækkar
• Sá hópur sem tekur þátt í þeim tekur mikið stökk og er nú meira en helmingur af Net notendum í US sem eru með vettvang á samfélagsmiðlunum

 

(fólk getur verið í fleiri en einum hóp)

Icelandair: Fyrsti leikurinn byrjaður!

Í dag er leikurinn um London.  Ein spurning og 2 þrautir...en þú tekur þátt í dag og vinningshafinn verður tilkynntur kl 17 í dag!  Svo þú veist það bara á eftir hvort þú færð farseðla fyrir 2 til London!

Hægt að taka þátt inná Icelandair.is! 

Nokkrir svona mismunandi leikir fyrir mismunandi borgur eru nú framundan, hver borg er aðeins í gangi í einn dag og sá sem vinnur er látin vita sama dag og leikurinn er!

 

Konur vilja ekki versla af fallegri konum // Icelandair Hraðatilboð!

Konur eru ólíklegri til að versla eitthvað í verslunum þar sem eru starfsstúlkur sem þeim finnst fallegri en þær sjálfar. 

Það hefur hins vegar ekki þessi neikvæð áhrif á þær þegar frægar leikkonur eða söngkonur (sem dæmi) kynna vörur eða verslanir.

Rannsóknin sem var í Journal of Business and Economics leggur til að verslanir hætti að ráða inn fallegustu afgreiðslustúlkurnar (því miður :) ) og ráði í staðinn inn konur með allsskonar útlit. 

The Daily Telegraph, 15 August 2009, p11

- - - - - -

Nú er auglýsingaherferð Icelandair farin af stað en í dag tók hún á sig nýja mynd.  Á miðnætti hófst 24klst hraðatilboð til Minneapolis en því líkur eftir 16 klst þegar þetta er skrifað!!!  Fullt af sætum í boði en salan í stuttan tíma!

Á morgun hefst svo fyrsti leikurinn.

Er nokkur búinn að skoða þrívíddartæknina? 

Haust herferð Icelandair að renna úr hlaði...

Í dag fer herferðin Borgarsmellir af stað hjá Icelandair. Herferðin er nær alfarið á Netinu og eru hefðbundnir miðlar aðeins notaðir til að styðja við birtingarnar á Netinu. Með þessari nálgun getum við verið með meira auglýsingaáreiti, á fleiri einstaklinga, yfir lengra tímabil, með skemmtilegri nálgun en ella.

Herferðin er sirka svona:
- Gagnvirkir vefborðar (borgarkynningar) á öllum stærstu vefsíðum Íslands
- Ýmsir óvæntir hlutir sem fólk verður að fylgjast vel með til að sjá
- Þrisvar sinnum í viku verðum við með Borgarleik. Þá byrjar leikur snemma að morgni þar sem fólk leysir 2 skemmtilegar þrautir og svarar einni spurningu um borg dagsins. Kl. 17 sama dag lýkur svo leiknum og vinningshafinn er tilkynntur. Daginn eftir byrjar svo nýr leikur með nýjum þrautum svo fólk hefur tækifæri á að vinna nokkrum sinnum í viku!
- Ný þrívíddartækni, Augmented Reality, sem gerir fólki kleift að skoða kennileiti borga í þrívídd með því að nota WebCam í tölvunum sínum... sjón er sögu ríkari!
- Útvarps og sjónvarpsauglýsingar notaðar til að styðja við herferðina á Netinu

Icelandair hefur jafnframt unnið töluvert í Icelandair.is undanfarið til að taka á móti þessum fjölda sem kemur inná vefinn, meðan á herferðinni stendur.

Við höfum t.d.:

- Uppfært áfangastaðasíðurnar okkar með Mín Borg efni og myndum svo þær hjálpi okkur sem mest að kveikja áhuga fólks á borgunum sem við fljúgum til
- Búið til þjónustuauglýsingar inni á Icelandair.is (sem byrja í vikunni) til að ýta undir alla þá þjónustuuppfærslu sem Icelandair hefur farið í gegnum undanfarið. Við segjum fólki frá því hvað við gerum vel við börn, hvað sætabilið hjá okkur hefur verið aukið ásamt því að segja frá nýja flotta afþreyingarkerfinu okkar. (margir sem halda t.d. að afþreyingakerfið kosti og teppi og koddar séu seldir.  Í dag er hvoru tveggja frítt)

Hér áður fyrr var auglýsingaherferðum ýtt úr vör með öllu efni framleiddu fyrirfram og birtingum bókuðum. Árangur var yfirleitt aðeins metin að herferðinni lokinni. Með þessari nýju nálgun okkar getum við verið að aðlaga herferðina og bæta, út allt herferðartímabilið. Við getum og munum fylgjast nákvæmt með því hvernig auglýsingarnar okkar á Netinu eru að virka frá degi til dags. Auglýsingastofan og Birtingahúsið eiga með okkur reglulega samráðsfundi út allt tímabilið þar sem árangur er metinn og tækifæri skoðuð til að gera herferðina enn áhrifaríkari.  Þó herferðin fari af stað í dag er vinnunni við hana ekki lokið.

Þegar auglýsingar hafa verið birtar ákveðið oft hættir fólk að taka eftir auglýsingunum. Því er þessi nálgun okkar að vera sífellt að breyta auglýsingunum okkar, vera með leiki og mismunandi gerðir af auglýsingum í gangi í einu til þess fallin að hafa herferðina "ferska" út allt tímabilið sem herferðin varir (minna wear-out effect). Fólk fær þannig síður leið á auglýsingunum og verða þær bæði skemmtilegri og áhrifaríkari mun lengur.

Það er því mjög mikið um nýjungar í þessari haust herferð Icelandair, bæði hvað varðar hönnun, nálgun, birtingar og árangursmælingar.

Icelandair og The Clue Train Manifesto

Er að vinna núna í Clue Train Manifesto og New Rules of Marketing and PR vegna bókarinnar - báðar mjög fínar.  Skrifin hjá okkur Kristjáni eru á áætlun svo þeim ætti endanlega að ljúka á næstu 2-3 vikum.

Tvær tilvitnanir úr The Clue Train Manifesto sem mér finnst alveg frábærar en þær eiga vel við breyttan heim með tilkomu Netsins: 

"The clue train stopped there four times a day for ten years and they never took delivery." — Veteran of a firm now free-falling out of the Fortune 500

"A powerful global conversation has begun. Through the Internet, people are discovering and inventing new ways to share relevant knowledge with blinding speed. As a direct result, markets are getting smarter—and getting smarter faster than most companies."

 

- - - - 

Í dag hefst svo stór auglýsingaherferð Icelandair eins og ég var búinn að minnast á.  Ég mun segja nánar frá því um kl 10 núna í morgunsárið! 

Hvað kostar að búa til nýja flugvél?

Það kostaði víst svipað að klára búa til fyrsta eintak af Boeing 777 (öll hönnun og framleiðsla svo hægt var að byrja framleiða á færibandi) og væntanlegur kostnaður við að klára 787.

 

Og hvað ætli sá kostnaður sé mikill?

1200.000.000.000 ISK

Icelandair verður á Skólavörðustíg kl 17 á morgun!

Á morgun mun Icelandair kynna nýja þrívíddartækni neðst á Skólavörðustíg á milli kl 17-22.

Gestum gefst kostur á að kíkja í heimsókn og prófa.  Þessi viðburður markar einnig upphaf nýrrar herferðar Icelandair sem fer af stað á mánudagsmorgun.

Herferðin er mjög óhefðbundin á allan hátt og óhætt að segja að hún brjóti blað í markaðsmálum á Íslandi hvað auglýsingaherferðir varðar. 

Ég segi meira frá herferðinni á mánudagsmorgun!

Ungir Íslendingar eru ekki að verða umhverfisvænni!

Af umræðunni að dæma mætti ætla að Íslendingar, sérstaklega yngri kynslóðin, sé að verða mun umhugaðri um náttúruna en áður.  Ef skoðuð eru Capacent gögn fyrir fullyrðinguna "Ég reyni að forðast að versla vörur sem eru skaðlegar umhverfinu"  fyrir árin 1999 og 2008 hjá aldrinum 16-35 ára sést að þessi græni hugsunarháttur virðist vera á undanhaldi!

 

Verðmætustu vörumerki í heimi

Hvernig forgangsraða Bretarnir neyslu í kreppunni?

Samkvæmt rannsókn Ofcom (Communication Market Report) eru breskir neytendur frekar til í að sleppa utanlandsferðum, sleppa því að kaupa ný föt og hætta að fara út að borða heldur en að sleppa GSM símanum, internet tengingunni  eða áskriftum af sjónvarpsrásum. 

Aðeins snyrtivörur og matvörur voru fyrir ofan Internetið í forgangsröðuninni!

 The Times 6 ágúst 2009

Ert þú fastur/föst í meðalmennsku?

Seth Godin orðaði það vel:

“Doing 4% less does not get you 4% less. Doing 4% less may very well get you 95% less.

That's because almost good enough gets you nowhere. No sales, no votes, no customers. The sad lie of mediocrity is the mistaken belief that partial effort yields partial results. In fact, the results are usually totally out of proportion to the incremental effort.

 

Big organizations have the most trouble with this, because they don't notice the correlation. It's hidden by their momentum and layers of bureaucracy. So a mediocre phone rep or a mediocre chef may not appear to be doing as much damage as they actually are.

The flip side of this is that when you are at the top, the best in the world, the industry leader, a tiny increase in effort and quality can translate into huge gains. For a while, anyway.”

Frekar fyndið....samkeppnin í flugi á Indlandi.

Jet Airways tilkynnti breytingar hjá fyrirtækinu og fór að auglýsa í hjarta Mumbai/Indlandi.

Kingfisher og Go Air svara...og ein stærstu gatnamót í Mumbai enduðu með 3 skiltum, frá þremur mismunandi félögum með skilaboðum sem eru frekar fyndin!

 

Af hverju er maður alveg til í að borga meira fyrir suma bangsa?

Bangsar eru til í öllum stærðum og gerðum.  Strákurinn minn á helling af þeim, flestir svolítið sætir en ég hef aldrei haft neina sérstaka ástæðu til að talað um þá.  Bangsi er bara bangsi...eða hvað?

Í sumar fór ég í fyrsta skiptið inní Build-A-Bear í Boston.  Strákurinn minn, hann Darri sem er 4 ára, bjó þar til bangsa sjálfur! 

Hann valdi líkama, setti í hann fyllingu, valdi á hann föt, fékk fæðingarvottorð og setti í hann lítið hjarta áður en starfsmenn Build A Bear lokuðu honum og gerðu hann tilbúinn til að fara með Darra út í lífið. 

Þetta ferli sem endaði með bangsa, sem er í raun ekkert ólíkur öðrum böngsum að sjá, hefur bæði náð miklu meira til Darra en aðrir bangsar ásamt því sem við foreldrarnir segjum óspart frá þessari frábæru upplifun!

Mér finnst þetta stórmerkilegur bangsi og það að Darri hafi sett í hann hjarta sem hann valdi sjálfur setur hann á mun hærri stall en flest leikföngin hans.  Bangsinn kostaði einnig mun meira en bangsar í leikfangaverslunum sem líta svipað út...en hann var hverrar krónu virði vegna upplifunarinnar...sem við gleymum aldrei.

Fyrirtæki þurfa að fara hugsa meira eins og Build-A-Bear.  Þeim hefur tekist að búa til einstaka upplifun í kringum svo einfalda vöru sem fær fólk ekki aðeins til að segja öðrum frá, heldur er það tilbúið að borga mun hærra verð fyrir bangsana með bros á vör!