Skemmtilegur vefborði frá TM á MBL.IS í dag

Ég fjallaði nýlega um skemmtilega nálgun á vefborðum hjá Apple.  TM er nú að keyra borða með sömu pælingum til að auka vitund á stuðningi þeirra við kvennaknattspyrnuna.

Borðann er hægt að skoða núna inná MBL.IS, inná Fólkinu (held maður þurfi samt að smella á frétt svo hann birtist).

Hægra megin er sjampó auglýsing  sem hreyfist ekkert en hægra megin er ein af landsliðstúlkunum okkar í fótbolta að leika sér með bolta. Hún sparkar svo boltanum í áttina að sjampó auglýsingunni og þar tekur maðurinn í auglýsingunni við boltanum og gefur hann til baka.

Mjög sniðugur vefborði þar sem tveir borðar eru að vinna saman.  TM græðir hiklaust á því að vera á undan öðrum á Íslandi með þessa nálgun.

 

 

 

Athugasemdir

[Bárður Örn (IP-tala skráð) 18.8.2009 kl. 13:42]

Sæll Guðmundur og takk fyrir þetta!

Ratsjá hefur unnið að þessu verkefni með Jónsson og Le'macks fyrir TM. Gríðarlega skemmtilegt verkefni. Vefmiðlarnir hafa verið virkilega opnir fyrir svona æfingum enda er árangurinn af frumlegum og góðum vefauglýsingum yfirleitt mjög góður.

Á bloggi Ratsjár er að finna stutta grein um þetta verkefni en auk þess er hægt að skoða borðann á eftirfarandi slóð: Margrét Lára og TM á MBL.is

Bestu kveðjur,

Bárður Örn

Ratsjá