Suður Afríka

Fyrir nokkrum árum starfaði ég við sjálfboðastörf í Suður Afríku.  Þar starfaði ég í súpueldhúsi fyrir útigangsfólk sem kom í morgun og hádegismat til okkar.

Samhliða vinnunni vann ég að hagrannsóknum, ferðaðist mikið og talaði við mikið af fólki.

Þessa mynd tók ég á flakki um miðbæ Höfðaborgar.  Hér eru nokkrir krakkar sem sáust reglulega í súpueldhúsinu.  Það var þvottadagur, stelpurnar voru að þrífa fötin þeirra á bílaplani uppúr drulluvatni en á meðan voru strákarnir að láta poka með lími í ganga á milli.  Allir út úr heiminum af vímu.  Daglegt brauð hjá heimilislausum sem báru fyrir sig að þau gerðu þetta til að halda á sér hita.  Frekar slöpp rök í 26-27 stiga hita!

Flestir krakkanna áttu enga foreldra, höfðu verið misnotaðir bak og fyrir og sennilega yfir 60-70% með AIDS!

Í þessu tré geymdi hópurinn að ofan alla munina sína.  Gengin passa trén fyrir hvort annað en hver hópur á yfirleitt eitt tré sem teppi, föt ofl eru geymd í.  Maður fattar þetta ekki fyrr en maður fer að athuga, nærri öll trén þarna í kring voru með einhverjum kössum fötum og munum sem engin vogaði sér að snerta.

Vinnan opnaði fyrir manni mjög sorglegt hlutskipti margra í heiminum.

Athugasemdir

[Aðalheiður Ámundadóttir, 11.6.2007 kl. 00:01]

Samt erum við sífellt vælandi! Þú hefur e.t.v. lært að gera það ekki!

[MARKAÐSSETNING Á NETINU, 14.6.2007 kl. 18:19]

...jújú, hættir maður nokkurn tímann að kvarta :)

Maður fattar samt firruna í sjálfum sér þegar maður er að kvarta og kveina yfir ómerkilegustu hlutum þegar maður hefur upplifað svona heim.

Það komu t.d. aldrei neinar konur í súpu eldhúsið sem ég vann í.  En reglan var þannig að þær konur sem bjuggu götunum og áttu kærasta var nauðgað af honum og kannski vinum hans mjög reglulega.  Þær sem áttu engan kærasta var nauðgað reglulega af öllum!  Það voru því mjög fáar konur sem þorðu að koma þangað, aðeins þær sem áttu mjög stóra og bilaða kærasta sem enginn lagði í.

Hræðilegur heimur!!!!