Um hvað snýst Experience Marketing?

Ég heyrði bestu lýsinguna nýlega.

Mamma ungabarns lendir í því að barnið lokar munninum og tekur ekki við grautnum sem verið er að reyna gefa því.  Hún reynir og reynir en gefst loksins upp og pabbinn tekur við.  Hann setur graut í skeiðina og byrjar að gera þotuhljóð - líkt og skeiðin sé flugvél sem flýgur í kringum barnið og loks í áttina að munninum.  

Nú er búið að setja af stað smá leikrit fyrir barnið svo það taki við matnum.

Viti menn, við þessa leikrænu viðbót við matargjöfina opnar barnið munninn rétt eins og um risa flugskýli væri að ræða og borðar nú matinn að bestu list.

Í þessu dæmi er búið að búa til upplifun úr þessari ,,venjulegu" matargjöf.  Árangurinn?  Barnið velur að borða nú matinn og það með bestu list! 

Joe Pine, einn helsti snillingur heimsins í þessum fræðum verður á Íslandi á vegum Ímark og Íslandsstofu 3. desember - það er óhætt að gefa þeim viðburði bestu meðmæli!   Það er hægt að sjá myndband með Joe Pine hér http://gummiarnar.blog.is/blog/gummiarnar/entry/1091911/

- - -

Næsta námskeið hjá okkur Kristjáni í Markaðssetningu á netinu er nú að verða uppselt og við því farnir að horfa til 13. desember, sem er síðasta námskeið ársins.  Það eru einnig töluvert mörg fyrirtæki sem hafa keypt hjá okkur einkanámskeið til loka árs - en það er án efa skilvirkasta leiðin fyrir fyrirtæki sem eru með marga starfsmenn sem þarf að þjálfa.