Bloggið þagnað?

Ég hef verið frekar latur við bloggið.  Það tók mig nær alla síðustu viku að snúa tímamismuninum við eftir Japan....vaknaði trekk í trekk kl 5 á morgnana, útsofinn!  Fór að setja í þvottavél, þrífa og vesenast...og beið eftir að fá útburðarbréf frá nágrönnunum...sem merkilega gerðist þó ekki! (Viðar var samt hress)

Svo kom maður heim úr vinnunni, algjört zombie...og sofnaður um 8-9...og vítahringurinn hélt áfram.

 Fleira furðulegt í Tokyo:

1. Vinsælasta lítaraðgerðin er augnastækkun

2. Að sofa í hylki er stuð (http://static.flickr.com/42/87642099_036012ae6c.jpg)

3. Það asnalegast í heimi er að sitja á stól, nakinn og skrúbba sig bak og fyrir...fyrir framan spegil...með 100 Japani að gera það sama allt í kringum mann.  Baðhúsin í Japan eru frábær!

4. Hótelið okkar var við hliðina á Rauðahverfinu í Tokyo...fyrir utan vændishúsin...var alltaf topp listi yfir hórurnar með myndum.  Hver var vinsælust og svo koll af kolli.  Sú sem var í neðsta sæti var yfirleitt ekkert sérstaklega sæt.

5. Þrátt fyrir brjálað mikið af fólki, rekst aldrei neinn í þig...MJÖG ólíkt London!

6. Mæli ekki með að borða Sushi sem er hálf lifandi.  Ekki girnilegt að sjá munninn á fiskinum hreyfast ásamt augunum á meðan maður mundar prjónana.

7. Á mörgum veitingastöðum eru tölvur með snertiskjá á hverju borði.  Maður smellir á myndina af réttinum sem þá sjálfkrafa pantast og kemur skömmu síðar með skáeygðum þjóni.  Þetta voru eiginlega einu staðirnir sem maður gat verið viss um að maður fékk það sem maður pantaði...muna Lost in Translation lýsir Tokyo mjög vel

8. Frelsisstyttan er í Tokyo, sömuleiðis Golden Gate brúin og Eiffel turninn!

9. Það er komin skýring á því sem gerðist þegar við fórum í Karókíið. Hún í raun skýrir það af hverju Viðar sofnaði eftir að við vorum búnir að eignast helling af Japana vinum og syngja með (með sumum spiluðum við reyndar aðeins á hljóðfæri sem enginn kann þó á!).  Skýrir í raun líka af hverju ég söng Bon Jovie Living on a prayer þrisvar sinnum...í RÖÐ! Hver fékk þá ömurlegu hugmynd að rukka eitt gjald inná þessi hús og svo má maður drekka eins og maður vill?

10. Tokyo er skemmtilegasta borg sem ég hef komið til.  By far.  Eina landið sem toppar Japan er Indland.  Þau eru samt svo ólík að þau eru eiginlega bæði í fyrsta sæti...í tveimur mismunandi flokkum.

Fór reyndar til Íslands líka í síðustu og var yfir helgina. 

Fyndið hvað lífið getur tekið miklum breytingum á skömmum tíma.  Allt einhvern vegin planað, og set næstu mánuði....svo gerist eitthvað: maður fréttir eitthvað nýtt, heyrir eitthvað eða kynnist einhverri..og hugurinn kúvendist, allt endurreiknast sjálfkrafa og heimurinn breytist á augnabliki. Það lifnar einhvern veginn yfir öllu, lífið verður ótrúlega bjart og eiginlega eins og það sé komið sumar aftur um hávetur.  Hvað lífið getur verið skemmtilegt. :)

Við félagarnir erum annars komnir í samband við guide í Congo og nú er verið að line-a upp 12-20 janúar þar.   Borgarastríð í gangi...svo maður verður að skipuleggja þetta nokkuð vel.  Amk Safari ferð ofl.  Ótrúleg náttúrufegurð í Congo....og verður afar áhugavert að flakka um landið...en sennilega að huga að öryggi meira en áður á ferðalögum. 

Ein hæsta glæpatíðni skráð í heiminum er reyndar í Suður Afríku þar sem ég bjó eitt sumar, svo maður er ýmsu vanur.  Gleymi t.d. aldrei götusalanum sem var alltaf á sama horninu þar sem ég labbaði í lestina á hverjum morgni á leið í vinnu.  Þar mátti alltaf finna ný rafmagnstæki til sölu hjá honum sem lágu á teppi í grasinu.  Klærnar voru alltaf rifnar af og það vantaði yfirleitt alltaf eitthvað í allt sem var í boði.  Þetta var auðvitað ránsfengur næturinnar, seldur sjóðheitur við sólarupprás rétt við lestarstöðina í Mowbray þar sem ég bjó hjá hippafjölskyldunni skemmtilegu.

Er að fara í jólahlaðborð í vinnunni á föst...svo Ísland næsta laug - mán. Mamma og pabbi sennilega að koma helgina á eftir og Ásgeir líka...jólafrí 19 des til 3 jan...og tryllt að gera í vinnunni við að plana næsta ár.

Það er stuð!