Sprengjur í London

Óhugnanlegt að sjá atburði í fréttum eins og bílasprengjurnar núna sem hafa fundist í London þar sem þetta er á stöðum sem maður er alltaf á.  Ég fór t.d. á uppáhalds sushi staðinn minn í gær, Kulu Kulu, en hann er rétt hjá Piccadilly.  Þar fannst annar bíllinn og allt króað af, fréttaþyrlur í loftinu og allt í lögreglum og fréttamönnum.  Þetta er eitthvað svo nálægt manni.

Ég hef einning undanfarið lent óvenjulega oft í því að lestarnar eru ekki að ganga eins og þær eiga að gera því einhver hefur hent sér fyrir þær.  Magnað að það er alltaf tilkynnt í hátalarakerfinu þegar það gerist, sniðugt til að róa fólk...það verður engin brjálaður á seinkunum eða lokuðum línum ef maður veit að einhver var að svipta sig lífi með þessum hætti.  Á sama tíma vill maður ekkert vita það að þetta hafi verið að gerast.

 Varðandi hryðjuverkin aftur er magnað hvað manni finnst þetta eitthvað óraunverulegt. Það er þess vegna sem maður lætur sér þetta lítið varða.  Það breytist samt eflaust fljótt þegar einhver sprengja springur og ringulreiðin tekur við.  Vonum bara að það gerist ekki.    

Athugasemdir

[Donna (IP-tala skráð) 30.6.2007 kl. 15:11]

Nenniru að gera mér greiða og halda þig á Smuggler´s Way meðan þessi ósköp standa yfir.

Takk!